- ایران کی قدس فورس کے سربراہ بیروت حملے کے بعد رابطے میں نہیں ہیں، رپورٹ میں دعویٰ
- پاکستانی امریکا سے متاثر ہیں لیکن پاکستان امریکا سے ہزار درجے بہتر ہے، ڈاکٹر ذاکر نائیک
- عمر کوٹ میں تین بچوں کو قتل کرنے کے بعد والد کی خودکشی، وزیراعلیٰ کا اظہار افسوس
- غزہ میں بربریت پرعالمی قوتوں کی خاموشی اتنی ہی قابل مذمت ہے جتنے اسرائیلی مظالم، وزیراعظم
- پہلا ٹی 20: بھارت نے بنگلادیش کو سات وکٹوں سے شکست دے دی
- آئی سی وی ایم مشن رپورٹ میں بڑی کامیابی ملی ہے، پاکستان سول ایوی ایشن اتھارٹی
- کراچی؛ جناح انٹرنیشنل ایئرپورٹ کے قریب دھماکا، ایک شخص جاں بحق، 10 زخمی
- اداروں پرالزام لگانے والے پی ٹی آئی عہدیداروں، تجزیہ نگاروں کا منہ قوم کے سامنے کالا ہوا، فیصل واوڈا
- ایران نے اچانک اپنے تمام ایئرپورٹس پر پروازیں منسوخ کردیں
- گنڈاپور غیرذمہ دار شخص ہے، بتانا ہوگا یہ ڈراما کیوں رچایا، وفاقی وزیراطلاعات
- ویمنز ٹی 20 ورلڈ کپ: ویسٹ انڈیز کی اسکاٹ لینڈ کو 6 وکٹوں سے شکست
- پولیس نے چھاپہ مارا تو تب گنڈا پور نکل گئے تھے، وزیرداخلہ
- 24 گھنٹوں سے غائب وزیراعلیٰ علی امین اچانک خیبرپختونخوا اسمبلی پہنچ گئے
- پی ٹی آئی کے احتجاج میں سرکاری وسائل کے استعمال کی تحقیقات کیلئے کمیٹی تشکیل
- کراچی میں جماعت اسلامی کا الاقصیٰ ملین مارچ، اہل غزہ و لبنان سے اظہار یکجہتی
- ننکانہ صاحب؛ زمین کے تنازع پر فائرنگ، دو افراد قتل تین زخمی
- پاکستانی طلبا نے ہوا کی نمی سے پینے کا پانی نکالنے والی مشین تیار کرلی
- کراچی: کار نے موٹرسائیکل سوار فیملی کو کچل دیا، باپ جاں بحق، بیٹی اور اہلیہ زخمی
- خیبرپختونخوا اسمبلی کا ہنگامی اجلاس، وزیراعلیٰ گنڈاپور کی گمشدگی کی قرارداد منظور
- حماس حملے کا سال مکمل؛ اسرائیل میں نیتن یاہو حکومت کیخلاف مظاہرے
سندھ، پابندی کے باوجود سرکاری دفاتر میں پلاسٹک کی بوتلوں کا استعمال جاری
کراچی: حکومت سندھ نے سرکاری دفاتر میں پلاسٹک کی بوتلوں میں پانی کے استعمال پر پابندی تو عائد کر دی ہے لیکن کیا اس پر عملدرآمد بھی ہورہا ہے یا نہیں، اور صرف سرکاری دفاتر میں پلاسٹک کی بوتلوں میں پانی کے استعمال پر پابندی عائد کرنے سے ماحولیاتی آلودگی میں کتنا فرق پڑے گا؟
ان سوالوں کا جواب حاصل کرنے کے لیے ایکسپریس کی جانب سے کی گئی تحقیق میں یہ معلوم ہوا کہ پلاسٹک کی بوتلوں میں پانی کے استعمال پر پابندی کا اطلاق کسی حد تک وزیر اعلیٰ سیکریٹریٹ میں تو ہوا ہے لیکن سندھ سیکریٹریٹ سمیت حکومت سندھ کے دیگر دفاتر میں اس پر کوئی عملدرآمد نہیں ہوا۔
سند ھ اسمبلی کے سامنے واقع محکمہ لائیو اسٹاک سندھ کے دفتر کے ایک ملازم نے نام ظاہر نہ کرنے کی شرط پر ایکسپریس ٹربیون کو بتایا کہ سندھ سیکریٹریٹ میں واقع سرکاری دفاتر میں تاحال اس پابندی پر عمل نہیں ہوا ہے،کراچی میں ماحولیات کی بہتری کیلیے کام کرنے والے محمود عالم خالد کے مطابق حکومت کا یہ اقدام ماحولیاتی آلودگی کو کم کرنے کیلیے انتہائی اہم ہے لیکن اس پر عملدرآمد کرانا لازمی ہے۔
ایکسپریس سے بات چیت کرتے ہوئے انھوں نے کہا کہ اس سے قبل وفاقی حکومت کے دفاتر میں بھی پانی کے لیے پلاسٹک کی بوتلوں کے استعمال پر پابندیاں لگائی جا چکی ہیں لیکن وہاں بھی عملدرآمد نہیں ہوسکا۔
اربن لیب آئی بی اے کراچی کے ایسوسی ایٹ ڈائریکٹر محمد توحید نے بتایا کہ سرکاری دفاتر میں اگر عملدرآمد ہو بھی جائے تو اس سے ماحولیاتی آلودگی پر کوئی خاص فرق نہیں پڑے گا کیونکہ پانی کیلیے پلاسٹک کی بوتلوں کا زیادہ تر استعمال پرائیویٹ دفاتر اور ریسٹورنٹس میں ہوتا ہے اس لیے ضروری ہے کہ نجی دفاتر اور ریسٹورنٹس میں پلاسٹک کی بوتلوں کے استعمال پر پابندی عائد کی جائے۔
امریکی حکومت کے محکمہ کامرس کے زیر انتظام قائم ادارے انٹرنیشنل ٹریڈ ایڈمنسٹریشن کی ایک رپورٹ کے مطابق پاکستان میں ہر ہفتے87ہزار ٹن خشک کچرا(سالڈ ویسٹ)پیدا ہوتا ہے جبکہ ملک سے سب سے بڑے شہر کراچی میں روزانہ 16,500 ٹن کچرا پیدا ہوتا ہے۔
کراچی سے تعلق رکھنے والے ایک اور ماحولیاتی کارکن آفاق بھٹی نے بتایا کہ شہر میں باورچی خانے کے کچرے کے بعد دوسرے نمبر پر جمع ہونے والا کچرا پلاسٹک ہوتا ہے، کراچی میں پیدا ہونے والے کچرے سے روزانہ صرف 6 ٹن کچرا ری سائیکل کیا جاتا ہے جبکہ یہاں روزانہ کی بنیاد پر تقریباً 7 ہزار ٹن کچرے کو ری سائیکل کر کے دوبارہ استعمال میں لیا جاسکتا ہے لیکن یہاں کام کرنیوالے اداروں میں اتنی صلاحیت نہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔