سانپوں کے ساتھ سالگرہ منانے والے شخص کی ویڈیو وائرل
ویڈیو کو 7.4 لاکھ سے زیادہ آراء اور 9,300 لائکس موصول ہوچکے ہیں
سانپ کے شوقین ایک شہری کی اپنی سالگرہ منانے کی ویڈیو سوشل میڈیا پر وائرل ہوگئی ہے جس میں وہ بڑے پیمانے پر ازگر سانپوں کے ہجوم کے درمیان موجود ہے۔
صارفین اس شخص کی جرات مندانہ حرکت سے دنگ رہ گئے ہیں۔ ریپٹائل زو کے بانی جے بریور نے سانپوں پر مبنی اپنی سالگرہ کی تقریب منائی۔
یہ سانپوں کا ہجوم اتنا زیادہ لگتا ہے کہ سانپوں کی گنتی اپنے آپ کیلئے ایک چیلنج بن جاتی ہے۔
ویڈیو جو کہ 7.4 لاکھ سے زیادہ آراء اور 9,300 لائکس کے ساتھ وائرل ہو چکی ہے، میں مسٹر بریور کو اپنے سانپ 'دوستوں' سے گھرا ہوا دکھایا گیا ہے۔
انہوں نے اپنی پوسٹ میں لکھا کہ یہ ایک سانپ پارٹی ہے! آج میری سالگرہ ہے، اس لیے میں سب کو بتانا چاہتا تھا کہ میں سب کی محبتوں کا شکرگزار ہوں اور آپ کو یہ ناقابل یقین پارٹی کا تجربہ کراؤں جو آپ دیکھ رہے ہیں۔