- ایپل، میٹا اور ٹک ٹاک نے یورپی یونین کا اے آئی معاہدہ مسترد کر دیا
- پاکستان میں 20 فیصد سرطان کے مریض خون کے کینسر میں مبتلا ہیں، ماہر
- والدہ کے تحفے میں دیے گئے ٹکٹ نے بیٹی کو انعام جتوادیا
- کراچی؛ شریف آباد میں مبینہ پولیس مقابلہ، ایک ملزم ہلاک ساتھی ملزمان فرار
- اسرائیل نے بیروت کے نواحی علاقے خالی کرنے کی وارننگ دے دی
- جنوبی لبنان پر اسرائیلی حملوں میں حزب اللہ کے دو کمانڈر شہید، اسرائیلی فوج کا دعویٰ
- حسن نصر اللہ اسرائیلی حملوں کے بعد بالکل محفوظ ہیں، ایرنی میڈیا کا دعویٰ
- مشرق وسطیٰ میں بڑھتی کشیدگی پر اقوام متحدہ کی سلامتی کونسل کا اجلاس
- سول ایوی ایشن اتھارٹی ہیڈکوارٹرز کی جگہ پاکستان ایئرپورٹس اتھارٹی کو دے دی گئی
- کراچی؛ لیاری ایکسپریس وے پر مبینہ پولیس مقابلے میں ڈاکو کی فائرنگ سے اہلکار زخمی
- شوگر ملز مالکان کے آئی پی پیز کو 8.2 ارب روپے کی ادائیگیاں
- پاکستان میں اٹلی کی ٹیکنالوجی کا فروغ خوش آئند ہے، اطالوی قونصل جنرل
- کراچی: جھگڑے کےدوران تیز دھار آلے سے دو افراد زخمی
- امریکا میں بدترین طوفان، سیلاب سے 20 افراد ہلاک
- جسٹس منصور علی شاہ کی بطور چیف جسٹس تعیناتی کا نوٹیفکیشن جاری کیا جائے، حافظ نعیم
- پی ٹی آئی احتجاج روکنے کیلیے اسلام آباد اور پنڈی کے مخصوص مقامات مکمل سیل کرنے کا فیصلہ
- بنگلا دیش ایئر فورس کے طیارے کی کراچی ایئرپورٹ پر لینڈنگ
- سندھ حکومت کا تعلیمی اداروں میں طلبا کے منشیات ٹیسٹ کرنے کا فیصلہ
- میرپور خاص واقعے کا مقدمہ درج کرلیا گیا ہے، وزیرداخلہ سندھ
- سندھ کی عوام مہنگی بجلی کا خرچ برداشت نہیں کرسکتی، ناصر حسین شاہ
آئینی ترامیم میں وفاقی آئینی عدالت کے قیام کا خیر مقدم کرتے ہیں، اے این پی
عوامی نیشنل پارٹی (اے این پی) نے مجوزہ آئینی ترامیم میں وفاقی آئینی عدالت کے قیام کا خیرمقدم کرتے ہوئے کہا ہے کہ پارلیمان کی بالادستی کےلیے عدالتی اصلاحات وقت کی ضرورت ہے۔
پشاور میں مرکزی صدر ایمل ولی خان کی زیرصدارت اے این پی کی مرکزی مشاورتی کمیٹی کا اجلاس ہوا جہاں اجلاس میں موجودہ سیاسی صورت حال سمیت مختلف امور پر تفصیلی بحث ہوئی اور مرکزی مشاورتی کمیٹی نے اہم فیصلے کیے۔
اے این پی کے مرکزی ترجمان انجینئر احسان اللہ خان کی جانب سے جاری بیان میں کہا گیا کہ مشاورتی اجلاس میں مطالبہ کیا گیا کہ آئینی ترمیم میں خیبر پختونخوا کے نام کو پختونخوا کردیا جائے، اگر ترمیم میں آئینی عہدیداروں کی مدت ملازمت میں توسیع ہوگی تو مخالفت کریں گے۔
انہوں نے کہا کہ ایسی کسی بھی آئینی ترمیم کی مخالفت کریں گے جو شخصی آزادی کے خلاف ہو، آئینی ترمیم کے ذریعے سیاسی کارکنان کی فوجی عدالتوں میں ٹرائل کی تجویز مسترد کرتے ہیں۔
اے این پی کی مشاورتی کمیٹی نے کہا ہے کہ وفاقی آئینی عدالت کا قیام عوامی نیشنل پارٹی کا دیرینہ مطالبہ رہا ہے، آئینی ترامیم میں وفاقی آئینی عدالت کے قیام کا خیر مقدم کرتے ہیں اور اے این پی آئینی ترامیم میں عدالتی اصلاحات کی حمایت کرتی ہے۔
ترجمان اے این پی کے مطابق پارلیمان کی بالادستی کے لیےعدالتی اصلاحات وقت کی ضرورت ہے، اصلاحات نظریہ ضرورت کو مستقل طور پر بند کرنے میں مددگار ہوگی۔
انہوں نے کہا کہ بنیادی حقوق اور جمہوری اصولوں کے خلاف کوئی بھی ترمیم قابل قبول نہیں، وفاقیت اور صوبائی خودمختاری کے خلاف کسی بھی ترمیم کو مسترد کرتے ہیں، ان آئینی ترامیم کی حمایت کریں گے جو 1973 کے آئین سے متصادم نہ ہو، ایسی ترامیم کی بھرپور مخالفت کریں گے جو اٹھارہویں آئینی ترمیم کے لیے نقصان دہ ہوں۔
اے این پی مشاورتی کمیٹی نے کہا کہ ملک میں جاری سیاسی لڑائی طاقت کے مرکز کے لیے جبکہ عوامی نیشنل پارٹی کا روز اول سے مؤقف ہے کہ طاقت کا محور صرف پارلیمان ہے، عوام کے منتخب پارلیمان کے علاوہ طاقت کا کوئی دوسرا مرکز قبول نہیں ہے۔
اجلاس میں کہا گیا کہ پارلیمان کی بالادستی اور آئین کی حکمرانی کے لیے جدوجہد جاری رکھیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔