- رحیم یار خان کچے میں پولیس آپریشن، سابق ایس ایچ او ماچھکہ کی شہادت میں ملوث دو ڈاکو ہلاک
- کراچی؛ شیر شاہ پل کے قریب سی ٹی ڈی کا مبینہ مقابلہ، دو دہشت گرد ہلاک، چھیپا حکام
- اسلام آباد؛ چائنہ چوک میں تاحال کارکنان موجود، مظاہرین کیخلاف آپریشن کرنے کا فیصلہ
- کراچی؛ جائیداد کے تنازع پر فائرنگ سے پولیس اہلکار قتل، ملزم زخمی حالت میں گرفتار
- ممنوعہ اورمضر صحت اسمگل شدہ17ٹن چائنیز نمک پکڑا گیا
- گورنر سندھ نے شیخ فارق کو گولڈ میڈل جبکہ دیگر شخصیات کو ڈاکٹریٹ کی اعزازی ڈگری دی
- آئی ایم ایف پروگرام پر وفاق اور صوبوں کوایک پیج پر آنا ہوگا، شہباز رانا
- سپریم کورٹ: پی ٹی آئی پارٹی الیکشن نظرثانی کیس 11اکتوبر کو مقرر
- بحریہ ٹاؤن کراچی میں منفرد تفریح پروجیکٹ دی موسٹ کروکڈ اسٹریٹ کا افتتاح ہوگیا
- کراچی کے علاقے لانڈھی میں فائرنگ سے شخص زخمی
- کراچی؛ پی ٹی آئی کے 8 کارکن انصاف ہاوس شاہراہ فیصل سے حراست میں لے کر تھانے منتقل
- غزہ میں اسرائیل کی وحشیانہ کارروائیاں، 79 فیصد مساجد، 3 چرچ تباہ
- ڈاکٹر ذاکر نائیک کا گورنر ہاؤس کراچی میں ’’زندگی کا مقصد‘‘ موضوع پر خطاب
- فرانسیسی صدر کا اسرائیل کو اسلحے کی فراہمی روکنے کا مطالبہ، نیتن یاہو کی تنقید
- پاکستانی بیوپاریوں نے کھجور کی روایتی لذت کو نئے انداز میں متعارف کرادیا
- کراچی: اساتذہ کے عالمی دن کے موقع پر تقریب کا انعقاد
- پنجاب میں 8 اکتوبر تک بارش کا سلسلہ جاری رہنے کا امکان ہے، محکمہ موسمیات
- کراچی: ڈاکوؤں نے لاکھوں روپے مالیت کا 90 من دودھ سے لدا ٹرک چھین لیا
- پی ٹی آئی جلسے کی آڑ میں دہشت گردوں کو پنجاب منتقل کرتی ہے، گورنر کے پی
- اسرائیل صرف طاقت کی زبان سمجھتا ہے، ایران
وزیراعلیٰ سندھ کی حال ہی میں تعمیر کی گئی سڑکیں ٹوٹنے کی انکوائری کی ہدایت
کراچی: وزیراعلیٰ سندھ نے صوبے میں حال ہی میں تعمیر کی گئی سڑکیں ٹوٹنے کی انکوائری کی ہدایات جاری کردیں۔
مراد علی شاہ کی زیرصدارت صوبے بھر میں سیلاب سے متاثرہ سڑکوں کی مرمت کے حوالے سے اجلاس ہوا، جس میں صوبائی وزیر منصوبہ بندی و ترقی ناصر حسین شاہ، وزیر ورکس اینڈ سروسز علی حسن زرداری، چیف سیکرٹری آصف حیدر شاہ، چیئرمین پی اینڈ ڈی نجم شاہ، سیکرٹری خزانہ فیاض جتوئی، سیکرٹری ورکس محمد علی کھوسو شریک ہوئے۔
اجلاس میں وزیراعلیٰ سندھ نے کہا کہ اب سیلاب کی صورتحال بہتر ہوگئی ہے۔ میں چاہتا ہوں کہ اب سڑکوں کی مرمت کا کام تیزی سے شروع کرنا چاہیے۔
صوبائی وزیر ورکس اینڈ سروسز نے اجلاس میں بتایا کہ حیدرآباد ڈویژن میں 3545.39 کلومیٹر یعنی 219 سڑکوں کو نقصان پہنچا ہے۔ سکھر ڈویژن میں 319 کلومیٹر یعنی 27 سڑکیں خراب ہوئی ہیں۔ اسی طرح دادو کی 178 سڑکیں خراب ہوئی ہیں، جن کی لمبائی 124.81 کلومیٹر ہے۔
وزیراعلیٰ سندھ کو سڑکوں کی تصاویر دکھا کر حالات سے آگاہ کیا گیا۔ اجلاس میں بتایا گیا کہ کچھ سڑکوں پر پل، کلورٹس بھی خراب ہوئی ہیں۔ وزیراعلیٰ سندھ نے وزیر پی اینڈ ڈی ناصر شاہ اور وزیر ورکس علی حسن زرداری کو ہدایت کی کہ وہ مشترکہ اجلاس کریں۔
انہوں نے تمام متاثر سڑکوں کی مرمت کے کاموں کی لاگت بنا کر رپورٹ پیش کرنے کی ہدایت کرتے ہوئے کہا کہ میں چاہتا ہوں کہ جلد از جلد سڑکوں کی مرمت کر کے آمد رفت کا نظام بہتر کیا جائے۔ انہوں نے کہا کہ جو سڑکیں ماضی قریب میں بنائی گئی تھیں اگر وہ بھی خراب ہوئی ہیں تو انکوائری کرائیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔