قومی ادارہ برائے صحت نے چکن گونیا سے متعلق ایڈوائزری جاری کردی

چکن گونیا وائرس کی وجہ سے ہوتی اور یہ ایک وائرل بیماری ہے جو مچھر کے ذریعے انسان میں منتقل ہوتی ہے، ایڈوائزری


رضیہ خان September 18, 2024
فوٹو فائل

قومی ادارہ برائے صحت نے چکن گونیا کی روک تھام کے حوالے سے ایڈوائزری جاری کردی۔

وزیراعظم کے معاون برائے صحت ڈاکٹر مختار بھرتھ کی ہدایت پر قومی ادارہ برائے صحت نے چکن گونیا کی روک تھام، کنٹرول کے حوالے سے ایڈوائزری جاری کی ہے۔ جس میں متعلقہ اداروں کو چکن گونیا کے حوالے سے بروقت اور مناسب اقدامات کی ہدایت کی گئی ہے۔

ایڈوائزری میں کہا گیا ہے کہ چکن گونیا ایک وائرل بیماری ہے، جو وائرس کی وجہ سے ہوتی ہے اور یہ بیماری ایڈیس نامی مچھر کے ذریعے انسانوں میں منتقل ہوتی جو ڈینگی سے مماثلث رکھتی بیماری ہے، یہ ٹروپیکل ممالک میں زیادہ پائی جاتی ہے جبکہ افریقا، جنوبی ایشیا اور جنوب مشرقی ایشیا میں اس کے زیادہ کیسز رپورٹ ہوئے ہیں۔

ڈاکٹر مختار نے ایڈوائزری میں لکھا کہ پاکستان میں کراچی کے علاوہ ملک کے مختلف حصوں سے چکن گونیا کے کیسز رپورٹ ہوتے رہتے ہیں، کیسز کی بروقت شناخت اور تصدیق کے ساتھ ساتھ ، بیماری کے پھیلاؤ کو روکنے کے لیے احتیاطی تدابیر اختیار کرنا ضروری ہے۔

ایڈوائزری میں کہا گیا ہے کہ وزارت صحت عوام کو بیماریوں سے بچانے کیلیے تمام تر ضروری اقدامات کو یقینی بنارہی ہے، عوام کو بیماریوں سے بچانے کیلیے عملی اقدامات کیے جارہے ہیں۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔