- خانکی انڈر پاس کھولا گیا تو بڑا سیلاب آ جائے گا، وزیر آبپاشی سندھ
- ’’آئی ایم ایف سے قرض ملنے کو خوشخبری کہا جا رہا ہے‘‘
- اصل مسئلہ ملکی معیشت کے خراب ہونے کا ہے، مصطفی کمال
- واپڈا کی سینٹرل ٹیسٹنگ لیبارٹری میں ٹرائی ایکسل مشین فعال
- ڈیوین براوو تمام طرح کی کرکٹ سے ریٹائر ہوگئے
- نیویارک سٹی کے میئر پر رشوت لینے کے الزامات پرفرد جرم عائد
- کراچی: نامعلوم سمت سے آنے والی گولی سے کم سن بچہ شدید زخمی
- مولوی سیاست نہ کرے بس ن لیگ، پی پی کو اس کی اجازت ہے، فضل الرحمان
- کراچی: مبینہ مقابلے میں زخمی سمیت دو ڈاکو گرفتار
- غزہ اور لبنان میں قتل وغارت، اسرائیل کو مزید 8.7 ارب ڈالر کی امریکی امداد فراہم
- راولپنڈی پولیس کا پی ٹی آئی رہنماؤں کے خلاف کریک ڈاؤن، گھروں پر چھاپے
- پولیو کا ایک اور کیس رپورٹ، رواں برس مجموعی کیسز کی تعداد 23 ہوگئی
- آن لائن رائیڈر کو کچلنے والے ڈبل کیبن گاڑی کے ڈرائیور کیخلاف مقدمہ درج
- دائمی زخموں کے لیے مکڑی کا مصنوعی جال تیار
- پی آئی اے کی نجکاری کی تاریخ میں توسیع
- پاکستان کسٹمز کا 64 کروڑسے زائد مالیت کی ڈیوٹی و ٹیکسوں کی چوری کا انکشاف
- ڈیوڈ ملر 500 ٹی ٹوئنٹی کھیلنے والے پہلے جنوبی افریقی کرکٹر بن گئے
- سندھ ہائیکورٹ: سید ذوالفقارعلی شاہ کی بطور چیئرمین انٹربورڈ کراچی تعیناتی غیرقانونی قرار
- فضل الرحمان اور پی ٹی آئی کا آئینی ترامیم کا مشترکہ مسودہ تیار کرنے کا فیصلہ
- ریٹیلرز کی غیرتصدیق شدہ رسیدیں رپورٹ کرنے والے صارفین کیلیے انعامی اسکیم کا اعلان
سری لنکا کے مینڈس نے سعود شکیل کا عالمی ریکارڈ برابر کردیا
گال: سری لنکا کے اسٹار بیٹر کمیندو مینڈس نے ٹیسٹ کرکٹ میں بھارت کے لیجنڈ کرکٹر سنیل گواسکر کو پیچھے چھوڑتے ہوئے پاکستان کے نوجوان بیٹر سعود شکیل کا عالمی ریکارڈ برابر کردیا۔
سری لنکا کے شہر گال میں بدھ کو نیوزی لینڈ اور میزبان ٹیم کے درمیان دومیچوں کی ٹیسٹ سیریز کا پہلا میچ شروع ہوا اور سری لنکا نے ٹاس جیت کر پہلے خود بیٹنگ کا فیصلہ کیا۔
میزبان ٹیم کے ابتدائی بیٹرز نے بالترتیب 36، 30 اور 27 رنز کی انفرادی اننگز کھیل کر ٹیم کی سنچری مکمل لیکن بڑی اننگز کھیلنے میں ناکام رہے تاہم اپنے ٹیسٹ کریئر کے ابتدائی میچوں میں شان دار بیٹنگ کا مظاہرہ کرنے والے کمیندو مینڈس نے ٹیم کی ناؤ سنبھالی۔
مزید پڑھیں: سعود شکیل نے ٹیسٹ کرکٹ میں ایک اور ورلڈ ریکارڈ قائم کردیا
مینڈس نے اپنے ساتویں ٹیسٹ میچ میں پراعتماد بیٹنگ کی اور 173 گیندوں پر 11 چوکوں کی مدد سے 114 رنز بنا کر اپنی ٹیم کو بھی تباہی سے بچایا اور بین الاقوامی سطح کرکٹ کی تاریخ میں اپنا نام بھی درج کرا دیا۔
گال ٹیسٹ میں مینڈس نے سنچری بنا کر اپنے ابتدائی 7 ٹیسٹ میچوں میں نصف سنچری یا اس سے بڑی انفرادی اننگز کھیلنے کا ریکارڈ برابر کردیا جبکہ سنیل گواسکر کا ریکارڈ توڑ دیا۔
مزید پڑھیں: آئی سی سی کا ویمنز ورلڈ کپ کی انعامی رقم میں ریکارڈ اضافے کا اعلان
اس سے قبل گزشتہ برس پاکستان کے نوجوان سعود شکیل نے ٹیسٹ کرکٹ کی 147 سالہ تاریخ میں اپنے ابتدائی 7 میچوں کے دوران ہر میچ میں 50 یا اس سے بڑی اننگز کھیلنے کا ریکارڈ بنایا تھا۔
مزید پڑھیں: کرکٹ جنوبی افریقہ کو ریکارڈ 45.6 ملین ڈالر منافع
سعود شکیل سے قبل بھارت کے سنیل گواسکر، ویسٹ انڈیز کے باسل بوچر اور نیوزی لینڈ کے بیرٹ سٹکلیف نے اپنے ابتدائی 6 ٹیسٹ میچوں کی ہر اننگز میں نصف سنچری یا اس سے بڑی اننگز کھیلی تھی اور یہ ریکارڈ مشترکہ طور پر ان کے پاس تھا۔
سری لنکا کے 25 سالہ بیٹر مینڈس نے اپنے ابتدائی 7 میچوں کی 11 اننگز میں 4 سنچریاں اور 4 نصف سنچریاں بنا چکے ہیں اور اب تک 809 رنز بنا چکے ہیں۔
نیوزی لینڈ کے خلاف سیریز کے پہلے میچ کے ابتدائی روز سری لنکا نے مینڈس کی شان دار سنچری کی بدولت 7 وکٹوں کے نقصان پر 302 رنز بنائے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔