اسلام آباد ہائی کورٹ نے پاکستان تحریک انصاف ( پی ٹی آئی) کے ترجمان رؤف حسن کی ایگزٹ کنٹرول لسٹ (ای سی ایل) میں نام سے متعلق درخواست پر وزارت داخلہ اور ایف آئی اے کو نوٹس جاری کردئیے۔

رؤف حسن کا نام ای سی ایل اور پی سی ایل سے نکالنے کی درخواست پر سماعت اسلام آباد ہائی کورٹ میں ہوئی۔ چیف جسٹس عامر فاروق نے درخواست کی سماعت کی۔ عدالت نے وزارت داخلہ اور ایف آئی اے کو نوٹس جاری کر دیے۔رؤوف حسن کے وکیل شاہنواز رانجھا عدالت میں پیش ہوئے۔عدالت نے کیس کی سماعت 2 ہفتے کے لیے ملتوی کر دی۔