- غیرمعیاری چاولوں کی ایکسپورٹ؛ 72 رائس ملز کیخلاف تحقیقات کا آغاز
- خامنہ ای کا خطبۂ جمعہ میں مسلم اتحاد پر زور؛ ہنیہ اور حسن نصراللہ کو خراج تحسین
- لاہور میں جعلی پولیس اہلکار گرفتار
- مسجد الحرام اور مسجد نبوی ﷺ میں 4 نئے اماموں کا تقرر
- تجارت میں دنیا سےحصہ طاقت کی بنیاد پر حاصل کرسکتےہیں، گورنر سندھ
- قلات میں نامعلوم افراد کی فائرنگ سے ایک شخص جاں بحق
- ڈبلیو ڈبلیو ای؛ کس ریسلر کی کمائی کتنی ہے؟ جانیے
- فردوس شمیم پولیس کو دیکھ کر بھاگ نکلے، اہلکار پیچھے دوڑتے رہے
- لاہور کے خارجی راستے کنٹینر لگا کر بند
- مخالفین پارلیمنٹ کے فلور پر احتجاج کریں سڑکوں پر احتجاج سے منفی تاثر جائیگا، وزیر اطلاعات
- احتجاج رکوانا ہے تو قیدی 804 سے رابطہ کریں، علی امین گنڈا پور
- "عثمان قادر کی ریٹائرمنٹ! آج میرے لیے سیاہ دن ہے"
- بچوں کے جھگڑے پر تلخ کلامی؛ لڑکی کو گھر سے نکال کر تشدد، بال کاٹ دیے
- برآمدی صلاحیت سے فائدہ اٹھانے کیلیے بڑی سرمایہ کاری کی ضرورت ہے، وزیراعلیٰ سندھ
- کراچی؛ پولیس مقابلوں میں 5 زخمیوں سمیت 8 ڈاکو گرفتار، دستی بم اور اسلحہ برآمد
- "انٹرنیشنل کرکٹ میں اَن فٹ کھلاڑیوں کے متحمل نہیں"
- اسرائیل کی مغربی کنارے پر 20 برسوں میں پہلی بار فائٹر جیٹ سے بمباری؛ 18 شہادتیں
- اہلِ غزہ و لبنان سے اظہار یکجہتی؛ حافظ نعیم آج وزیراعظم سے ملاقات کریں گے
- حکومت سندھ کی گرین لائن بس سروس کے آپریشنز سنبھالنے کی تیاریاں مکمل
- ظلم برداشت کرلیں گے، پی ٹی آئی کی حکومت آئی تو احتساب ہوگا، شوکت یوسفزئی
کرتارپور؛ سکھوں کے روحانی پیشوا بابا گرونانک کی 485 ویں برسی کی تقریبات شروع
لاہور: سکھوں کے روحانی پیشوا بابا گرونانک کی 485 ویں برسی کی تقریبات گرودوارہ دربار صاحب کرتار پور میں شروع ہوگئیں، جہاں بھارت سمیت مختلف ممالک سے بڑی تعداد میں آنے والے سکھ یاتری شریک ہیں۔
گرو دوارہ دربارصاحب کرتار پور میں برسی کی تقریبات کا آغاز ارنبھتا سری اکھنڈپاتھ صاحب سے ہوا، جب کہ شام کو نشان صاحب کی سیوا اور ارداس ہوگی۔ کل 21 ستمبر کو نگر کیرتن ہوگا اور بابا گرونانک کے پہلے مسلمان شاگرد اور خدمت گار بھائی مردانہ کا قد آور مجسمہ نصب کیا جائے گا۔ بھائی مردانہ کا کانسی کا مجسمہ لاہور کے فقیرخانہ میوزیم نے تیار کیا ہے۔
پراجیکٹ مینجمنٹ یونٹ کرتار پور کے ڈپٹی سیکرٹری سیف اللہ کھوکھر نے ایکسپریس کو بتایا کہ برسی کی تقریبات میں شرکت کے لیے امریکا، یورپ، کینیڈا،آسٹریلیا سمیت مختلف ممالک سے تقریباً 500 کے قریب سکھ یاتری آئے ہیں جب کہ بھارت سے کم وبیش ڈیڑھ ہزار کے قریب یاتری کرتار پور کوریڈور کے ذریعے کرتارپور صاحب آئیں گے۔
انہوں نے مزید بتایا کہ گرودوارہ صاحب کے قریب بھائی اجیتا جی بازار میں بابا گرونانک کے ساتھی اورخدمت گار بھائی مردانہ کا مجمسہ نصب کیا جائے گا۔ یاتریوں کو بابا گرونانک کے باغ کی کھجوروں اوردیگر پھلوں کا پرشاد بھی دیا جائے گا۔
بابا گرونانک کی برسی کی تقریب میں پاکستان سکھ گرودوارہ پربندھک کمیٹی کے سربراہ اور صوبائی وزیر اقلیتی امور سردار رمیش سنگھ اور کمیٹی کے دیگر اراکین بھی شریک ہوں گے۔ یاتریوں کی سکیورٹی، لنگر اور قیام کے انتظامات کیے گئے ہیں۔
دوسری طرف برسی کی تقریبات میں شرکت کے لیے اس سال واہگہ بارڈر کے راستے بھارت سے سکھ یاتری پاکستان نہیں آسکے۔ پاکستانی اور بھارتی سکھوں کی طرف سے متعدد بار یہ مطالبہ سامنے آتا رہا ہے کہ بابا گرونانک کی برسی پر بھارت سے سکھ یاتریوں کے جتھے کو دونوں ملکوں کے مذہبی یاترا کے 1974ء کے باہمی معاہدے میں شامل ہونا چاہیے تاہم ابھی تک یہ ممکن نہیں ہوسکا۔
واضح رہے کہ بابا گرونانک نے اپنی زندگی کے آخری 17 سال کرتارپور میں گزارے ۔1539 میں جب بابا گرونانک کا انتقال ہوا تو ان کے مسلمان اور ہندو عقیدت مندوں میں ان کی آخری رسومات کی ادائیگی پر تنازع پیدا ہوا۔ مسلمان ان کی تدفین جب کہ ہندو عقیدت مند ان کی چتاجلانا چاہتے تھے۔ سکھ روایات کے مطابق اس تنازع کے دوران بابا گرونانک کا جسد خاکی جو دریائے راوی کے کنارے پڑا تھا، وہ پانی میں غائب ہوگیا اور وہاں سے ایک چادر اور دو پھول ملے۔ آدھی چادر اور ایک پھول لے کر مسلمانوں نے یہاں بابا گرونانک کی قبربنادی جواب بھی موجود ہے جب کہ ہندوعقیدت مندوں نے ان کی سمادھی بنائی ۔ جہاں بعد ازاں مہاراجا رنجیت سنگھ کے دور میں گرودوارہ تعمیر کیا گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔