امریکی صدارتی الیکشن ورجینیا مینیسوٹا اور ساؤتھ ڈکوٹا میں ابتدائی ووٹنگ

امریکی صدارتی الیکشن 5 نومبر کو ہوں گے تاہم ڈاک، ای میل اور ذاتی طور پر قبل از وقت بھی ووٹ کاسٹ کرسکتے ہیں

---

امریکا کی تین ریاستوں میں صدارتی الیکشن کی تاریخ 5 نومبر سے پہلے ای میل یا ذاتی حیثیت میں پولنگ اسٹیشن میں ووٹ کاسٹ کیے گئے۔

امریکی میڈیا کے مطابق آج مینیسوٹا اور ساؤتھ ڈکوٹا کی ریاستوں میں ڈاک یا ای میل کے ذریعے جب کہ ورجینیا میں پولنگ کے مقامات پر جاکر رائے دہی کا موقع دیا گیا۔

امریکا میں صدارتی الیکشن 5 نومبر کو ہوں گے لیکن ابتدائی ووٹنگ رائے شماری کے روز بھیڑ اور رش سے بچنے کے لیے کی جاتی ہے جس میں ڈاک، ای میل یا ووٹرز پولنگ کے مقامات پر جاکر ووٹ کاسٹ کرسکتے ہیں۔

ابتدائی ووٹنگ کو مقبولیت گزشتہ صدارتی الیکشن میں ملی تھی جب کورونا وبا کے باعث 100 ملین سے زیادہ ووٹرز نے انتخابات کے روز سے قبل بذریعہ ڈاک یا ذاتی طور پر اپنا حق رائے دہی استعمال کیا تھا۔

جس کے بعد کئی ریاستوں نے اس آپشن کو اس بار بھی جاری رکھا۔