مارک زکربرگ کی جان سینا کے ساتھ ’جھگڑے‘ کی ویڈیو وائرل
ویڈیو میں مارک زکربرگ کو جان سینا کے مکے سے اڑتا دیکھا جا سکتا ہے
ٹیکنالوجی کمپنی میٹا کے سربراہ مارک زکربرگ نے جان سینا کے ساتھ فلمائے گئے ایک اشتہار کے پس منظر کے مناظر شیئر کر دیے۔
انسٹاگرام پر شیئر کی جانے والی ویڈیو میں زکربرگ کو غیر معمولی کاسٹ کے ساتھ دیکھا جا سکتا ہے۔
ویڈیو میں سربراہ میٹا کے ساتھ سابق ڈبلیو ڈبلیو ای سپر اسٹار جان سینا، گلوکار بینسن بُون اور فلم ساز میتھیو وان شامل تھے۔ فوٹیج نے ہائی انرجی شوٹ کی ایک جھلک فراہم کی جس کو رے بین اسمارٹ گلاسز کے ذریعہ ریکارڈ کیا گیا ہے جس کے ساتھ میٹا شراکت کی تجدید کی ہے۔
کلپ میں زکربرگ متعدد متحرک سین کرتے نظر آرہے ہیں، جن میں جان سینا کے مکے کے ذریعے ہوا میں اڑنا اور بُون کے ساتھ تلوار بازی میں مشغول ہونا شامل ہے۔
ایکشن سے بھرپور ان مناظر کی خاص بات یہ ہے کہ انہیں اسمارٹ گلاسز کا استعمال کرتے ہوئے شرکاء کے نقطہ نظر سے فلمایا گیا تھا۔