بلوچستان میں کانگو کا ایک اور کیس سامنے آگیا
28 سالہ مریض کو کانگو وائرس کی تصدیق، بلوچستان میں رواں سال میں اب تک 34 کیسز رپورٹ ہوئے
بلوچستان کے دارالحکومت میں کانگو وائرس کا ایک اور کیس سامنے آیا ہے جس کے بعد صوبے میں متاثرہ مریضوں کی تعداد 34 تک پہنچ گئی۔
ایکسپریس نیوز کے مطابق کوئٹہ کے علاقے ہزارہ ٹاؤن کے 28 سالہ رہائشی کو کانگو وائرس کی کی تصدیق ہوئی جس کے بعد اُسے فاطمہ جناح اسپتال کے آئسولیشن وارڈ منتقل کردیا گیا ہے۔
محکمہ صحت کے مطابق رواں سال بلوچستان میں کانگو وائرس سے متاثرہ مریضوں کی تعداد 34 ہوگئی جبکہ اب تک 9 مریض انتقال کرچکے ہیں۔