اسرائیلی فوج کا مغربی کنارے میں الجزیرہ کے دفتر پر حملہ نشریات بند کروادیں

مغربی کنارے میں الجزیرہ کی نشریات کو 45 دن کے لیے روک دیا گیا

ویب ڈیسک September 22, 2024

اسرائیلی فوج نے مغربی کنارے میں الجزیرہ کی نشریات 45 دن کے لیے بند کروادی، فوٹو: فائل

اسرائیلی نے مغربی کنارے کے علاقے رام اللہ میں الجزیرہ کے بیورو آفس پر حملہ کردیا اور عدالتی حکم کے نام پر 40 دن کے لیے چینل بند کروا دیا۔

عالمی خبر رساں ادارے کے مطابق اسرائیلی فوج کے اہلکار الجزیرہ کے بیورو آفس میں داخل ہوگئے، نشریات روک دی، توڑ پھوڑ کی، صحافیوں کو ہراساں کیا اور گاڑیوں کو آگ لگا دی۔

دفتر میں لگیں شہید صحافیوں کی تصاویر بھی پھاڑ دیں۔ اسرائیلی فوجیوں نے دفتر میں موجود آلات اور دیگر سامان کو بھی ضبط کرلیا۔ ویب سائٹ کو بھی بلاک کردیا۔

جس کے بعد مغربی کنارے میں الجزیرہ کی نشریات ٹی وی اور ویب سائٹس پر بند ہوگئیں۔

اسرائیلی فوج کا کہنا تھا کہ الجزیرہ کی نشریات کی 45 دن کے لیے بندش عدالت کے حکم پر کی گئی۔

تاہم الجزیرہ کے صحافیوں نے مغربی کنارے میں اسرائیلی فوج کی جارحیت اور حملوں کی رپورٹنگ کرتے رہے۔

خیال رہے کہ الجزیرہ کے کئی صحافیوں نے غزہ اور مغربی کنارے میں اسرائیلی جارحیت کی رپورٹنگ کرتے ہوئے اپنی جانوں کے نذرانے پیش کیے ہیں۔

علاوہ ازیں اسرائیلی فوج نے الجزیرہ کے کئی مقامی صحافیوں کے گھروں اور اہل خانہ کو بمباری کا نشانہ بنایا۔