چرنجیوی کا نام گینیز ورلڈ ریکارڈز میں شامل 156 فلمیں 537 گانے 24 ہزار ڈانس پرفارمنسز
تلگو فلم انڈسٹری سے تعلق رکھنے والے میگا اسٹار نے یہ اعزاز حیدرآباد میں منعقدہ تقریب میں وصول کیا
بھارتی فلم انڈسٹری کے 69 سالہ میگا اسٹار کونیدالا چرنجیوی کو گینیز ورلڈ ریکارڈز میں بھارت کے سب سے نمایاں اور کامیاب اداکار کے طور پر شامل کرلیا گیا ہے۔
تلگو فلم انڈسٹری سے تعلق رکھنے والے چرنجیوی نے یہ اعزاز حیدرآباد میں منعقدہ تقریب میں وصول کیا۔
چرنجیوی نے اپنے 45 سالہ فلمی کیریئر میں 156 فلموں میں اداکاری کی اور 537 گانوں پر 24 ہزار سے زائد ڈانس پرفارمنسز دیں، جس کی بدولت انہیں بھارتی سنیما کا سب سے بااثر اداکار مانا جاتا ہے۔
اس موقع پر چرنجیوی نے خوشی کا اظہار کرتے ہوئے کہا کہ انہیں کبھی بھی یہ امید نہیں تھی کہ وہ گینیز بک آف ورلڈ ریکارڈز کا حصہ بنیں گے۔