آئی سی سی ویمنز ٹی20 ورلڈکپ میں تیاریوں کے سلسلے میں قومی ٹیم آج اور کل پریکٹس سیشن میں حصہ لے گی۔
پاکستان کرکٹ بورڈ (پی سی بی) کی جانب سے جاری کردہ اعلامیے میں کہا گیا ہے کہ ویمنز ٹیم آج دوپہر 2 بجے سے 5 بجے تک آئی سی سی اکیڈمی اوول میں پریکٹس سیشن میں حصہ لے گی۔
ہیڈکوچ محمد وسیم، فاسٹ بالنگ کوچ جیند خان، اسپن بالنگ کوچ عبدالرحمن اور فیلڈنگ کوچ حنیف ملک کھلاڑیوں کو تینوں شعبوں میں اہم تجاویز پیش کریں گے۔
مزید پڑھیں: ویمنز ٹی20 ورلڈکپ کا ترانہ ریلیز ہوگیا
قومی ویمنز ٹیم اسکاٹ لینڈ اور بنگلادیش کے ساتھ وارم اَپ میچ کھیلے گی۔
مزید پڑھیں: آئی سی سی کا ویمنز ورلڈ کپ کی انعامی رقم میں ریکارڈ اضافے کا اعلان
پاکستانی ٹیم ایونٹ میں اپنا پہلا میچ 3 اکتوبر کو سری لنکا جبکہ 6 اکتوبر بروز اتوار کو روایتی حریف بھارت کیخلاف میدان میں اُترے گی۔
پاکستانی ویمنز ٹیم تیسرا میچ 11 اکتوبر کو آسٹریلیا اور چوتھا میچ 14 اکتوبر کو نیوزی لینڈ کے خلاف کھیلے گی۔