اٹک میں مسافر وین اور کار کے درمیان تصادم سے 4 افراد جاں بحق 14 زخمی

اٹک میں کار اور مسافر وین کے درمیان ہولناک تصادم کے نتیجے میں 4 افراد جاں بحق جبکہ 14 زخمی ہوگئے۔

ایکسپریس نیوز کے مطابق اٹک میں مٹھیاں کے قریب کوہاٹ سے راولپنڈی جانے والی تیز رفتار مسافر ویگن مخالف سمت سے آنے والی کار سے ٹکرا گئی جس کے نتیجے میں 4 مسافر جاں بحق جبکہ 14 زخمی ہوگئے۔ حادثے کے فوری بعد امدادی ٹیمیں موقع پر پہنچ گئیں جس کے بعد زخمیوں اور لاشوں کو قریبی اسپتال منتقل کردیا گیا۔