- وٹامن اے کی کمی کو پورا کرنے والا سنہری سلاد پتہ
- دنیا کی سب سے وزنی اجمود سبزی
- میٹا کو لاپرواہی برتنی مہنگی پڑگئی
- ایران نے سلامتی کونسل کا ہنگامی اجلاس بلانے کا مطالبہ کر دیا
- پی آئی اے نے ملک کا پہلا قومی سیاحتی ایوارڈ اپنے نام کرلیا
- ’’سیاستدانوں کے پاورپلانٹس کومتنازع ادائیگیاں کی جارہی ہیں‘‘
- ساف انڈر17 چیمپئن شپ 2024؛ دلچسپ مقابلے میں پاکستان کو سیمی فائنل میں شکست
- کور کمانڈر کوئٹہ کی کراٹے چمپئن شاہ زیب رند سے ملاقات
- حیدرآباد میں 29 ماہ کے بچے میں پولیو وائرس کی تصدیق
- فیصل کریم کنڈی کی وزیراعلیٰ گنڈاپور کو دورہ گورنر ہاؤس کی دعوت
- اکتوبر کے پہلے یا دوسرے ہفتے آئینی ترامیم دوبارہ لائیں گے،عرفان صدیقی
- روسی وزیر خارجہ کا مشرق وسطی میں بڑی جنگ کا خدشہ
- حسن نصراللہ کو نشانہ بنانے والا بنکر بسٹر بم کیا ہے؟
- ایس آئی ایف سی کے تعاون سے کرنٹ اکاؤنٹ بیلنس میں اضافہ
- سرحد پر اسمگلنگ روکنے سے معیشت پر مثبت اثر پڑا،آرمی چیف
- اسلام آباد ہائیکورٹ نے انتظامی افسران کو عدالتی اختیارات کے استعمال سے روک دیا
- یوٹیلٹی اسٹورز پر170 سے زائد اشیا کی قیمتوں میں کمی
- انٹرا پارٹی الیکشن، مولانا فضل الرحمن کا پھر امیر بننے کا امکان
- بلاول بھٹو کا پْنہل چانڈیو گاؤں کے 16 شہدا کو خراجِ عقیدت
- پی ٹی آئی مذاکرات نہیں چاہتی تو ہمیں بھی پریشانی نہیں، خواجہ آصف
آذربائیجان کے ساتھ جے ایف-17 لڑاکا طیاروں کی فروخت کا معاہدہ
اسلام آباد: پاکستان کی جانب سے دوست ممالک کے ساتھ دفاعی تعاون کے فروغ کے لیے کوششوں کے تحت آذربائیجان کے ساتھ جے ایف-17 بلاک-III لڑاکا طیاروں کی فروخت کے معاہدے پر دستخط کیے گئے ہیں۔
پاک فوج کے شعبہ تعلقات عامہ (آئی ایس پی آر) کے مطابق پاکستان اور آذربائیجان کے درمیان جے ایف-17 لڑاکا طیاروں کی فروخت کے معاہدے پر دستخط حال ہی میں کردیے گئے ہیں۔
آئی ایس پی آر نے بتایا کہ یہ معاہدہ آذربائیجان کی فضائی طاقت کو مزید مستحکم کرے گا اور آذربائیجان کے صدر الہام علیوف کے حالیہ دورہ پاکستان کے دوران انہیں جے ایف-17 بلاک-III لڑاکا طیاروں کی جنگی صلاحیتوں اور مختلف مشن میں استعمال کے حوالے سے تفصیلی بریفنگ دی گئی تھی۔
بیان میں کہا گیا کہ صدر علیوف کے دورے کے بعد حکومت آذربائیجان کی درخواست پر پاکستان نے باکو میں ہونے والی ایڈیکس-2024 نمائش میں شرکت کے لیے پاک فضائیہ کا دستہ تعینات کیا تھا، جس میں پاکستان کے فخر جے ایف-17 تھنڈر بلاک-III کی فضائی مہارت اور جامد نمائش کی گئی۔
مزید بتایا گیا کہ اس دوران جے ایف-17 نے پاک فضائیہ کے ملٹی رول ٹینکر ٹرانسپورٹ طیارے سے ایئر ٹو ایئر ری فیولنگ کی، ایک ہی پرواز میں باکو پہنچ کر پاک فضائیہ کے لڑاکا طیارے کی طویل فاصلے کی صلاحیت اور پہنچ کا عملی مظاہرہ کیا۔
آئی ایس پی آر نے بتایا کہ صدر الہام علیوف نے جے ایف-17 بلاک-III کی جامد نمائش کا دورہ کیا،جے ایف-17 تھنڈر کی فضائی مہارت کا شان دار مظاہرہ دیکھا جس میں طیارے کی پھرتی اور چستی کے ساتھ ساتھ پاک فضائیہ کے پائلٹس کی پیشہ ورانہ مہارت کو بھی دکھایا گیا۔
آئی ایس پی آر کے مطابق جے ایف-17 تھنڈر بلاک-III ایک 4.5 جنریشن ملٹی رول لڑاکا طیارہ ہے جو AESA ریڈار اور لانگ رینج BVR سے لیس اور مختلف جنگی مشن انجام دینے کی صلاحیت رکھتا ہے۔
اس حوالے سے بتایا گیا کہ یہ آذربائیجان کی قومی سلامتی کے نظریے کو مضبوط کرنے کے لیے جدید فضائی طاقت کے متعدد استعمال کے آپشنز فراہم کرتا ہے۔
آذربائیجان کے صدر الہام علیوف کا کہنا تھا کہ پاکستان کی جانب سے فراہم کی جانے والی یہ مدد پاکستان اور آذربائیجان کے درمیان موجودہ فوجی تعاون کو مزید مستحکم کرے گی اور دونوں ممالک کے درمیان دفاعی تعاون کو فروغ دے گی، جس سے ان کے برادرانہ تعلقات کو مزید تقویت ملے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔