- خانکی انڈر پاس کھولا گیا تو بڑا سیلاب آ جائے گا، وزیر آبپاشی سندھ
- ’’آئی ایم ایف سے قرض ملنے کو خوشخبری کہا جا رہا ہے‘‘
- اصل مسئلہ ملکی معیشت کے خراب ہونے کا ہے، مصطفی کمال
- واپڈا کی سینٹرل ٹیسٹنگ لیبارٹری میں ٹرائی ایکسل مشین فعال
- ڈیوین براوو تمام طرح کی کرکٹ سے ریٹائر ہوگئے
- نیویارک سٹی کے میئر پر رشوت لینے کے الزامات پرفرد جرم عائد
- کراچی: نامعلوم سمت سے آنے والی گولی سے کم سن بچہ شدید زخمی
- مولوی سیاست نہ کرے بس ن لیگ، پی پی کو اس کی اجازت ہے، فضل الرحمان
- کراچی: مبینہ مقابلے میں زخمی سمیت دو ڈاکو گرفتار
- غزہ اور لبنان میں قتل وغارت، اسرائیل کو مزید 8.7 ارب ڈالر کی امریکی امداد فراہم
- راولپنڈی پولیس کا پی ٹی آئی رہنماؤں کے خلاف کریک ڈاؤن، گھروں پر چھاپے
- پولیو کا ایک اور کیس رپورٹ، رواں برس مجموعی کیسز کی تعداد 23 ہوگئی
- آن لائن رائیڈر کو کچلنے والے ڈبل کیبن گاڑی کے ڈرائیور کیخلاف مقدمہ درج
- دائمی زخموں کے لیے مکڑی کا مصنوعی جال تیار
- پی آئی اے کی نجکاری کی تاریخ میں توسیع
- پاکستان کسٹمز کا 64 کروڑسے زائد مالیت کی ڈیوٹی و ٹیکسوں کی چوری کا انکشاف
- ڈیوڈ ملر 500 ٹی ٹوئنٹی کھیلنے والے پہلے جنوبی افریقی کرکٹر بن گئے
- سندھ ہائیکورٹ: سید ذوالفقارعلی شاہ کی بطور چیئرمین انٹربورڈ کراچی تعیناتی غیرقانونی قرار
- فضل الرحمان اور پی ٹی آئی کا آئینی ترامیم کا مشترکہ مسودہ تیار کرنے کا فیصلہ
- ریٹیلرز کی غیرتصدیق شدہ رسیدیں رپورٹ کرنے والے صارفین کیلیے انعامی اسکیم کا اعلان
نیویارک سٹی کے میئر پر رشوت لینے کے الزامات پرفرد جرم عائد
کراچی: امریکی پروسیکیوٹرز نے نیویارک سٹی کے میئر ایرک ایڈمز پر ترک شہریوں کی جانب سے غیرقانونی رقم وصول کرنے اور پرتعیش سفر کرنے کے لیے الزامات عائد کرتے ہوئے فرد جرم عائد کردی ہے۔
غیرملکی خبر ایجنسی رائٹرز کی رپورٹ کے مطابق پروسیکیوٹرز نے 57 صفحات پر مشتمل فرد جرم میں کہا ہے کہ نیویارک سٹی کے میئر ایرک ایڈمز نے مبینہ طور پر 2021 میں میئر کی مہم دوران پرتعیش ہوٹلز کے کمروں میں ٹھہرنے اور مہنگے ریسٹورنٹس میں کھانے کی دعوتیں قبول کی تھیں۔
پروسیکیوٹرز نے الزام عائد کیا ہے کہ ان دعوتوں کے جواب میں ایڈمز نے شہری حکومت کے عہدیداروں پر دباؤ ڈالا کہ وہ 36 منزلہ قونصل خانے کی عمارت سیفٹی کے خدشات کے باوجود کھولنے کی اجازت دی جائے۔
نیویارک سٹی کے میئر پر فراڈ کرنے کے لیے سازش سمیت 5 مختلف جرائم کے الزامات عائد کردیے ہیں۔
دوسری جانب 64 سالہ ایرک ایڈمز نے کسی قسم کا غلط کام کرنے کا تاثر مسترد کردیا اور کہا ہے کہ وہ ان الزامات کے خلاف عدالت میں جنگ لڑیں گے اور اپنے عہدے سے بھی مستعفی نہیں ہوں گے۔
انہوں نے کہا کہ میں بطور میئر اپنا کام جاری رکھوں گا جبکہ متعدد شخصیات کی جانب سے انہیں اپنے عہدے سے الگ ہونے کا مطالبہ کیا ہے۔
ادھر ترک وزارت خارجہ، ایوان صدر اور واشنگٹن میں سفارت خانے کی جانب سے ان الزامات پر کوئی ردعمل نہیں دیا گیا۔
قبل ازیں مین ہیٹن اپرایسٹ سائیڈ پر واقع میئر کے گھر گریسی مینشن پر فیڈرل ایجنٹس نے چھاپہ مارا جہاں متعدد افراد کاروباری لباس میں بریف کیسز اور دیگر اشیا ہاتھ میں لیے ہوئے نظر آئے۔
رپورٹ کے مطابق کیپٹن کے رینک تک پہنچنے والے سابق پولیس افسر ایرک ایڈمز شہر کے 110 میئرز میں سے پہلے میئر ہیں جن پر عہدے کے دوران فرد جرم عائد کردی گئی ہے۔
پیس یونیورسٹی لا اسکول کے پروفیسر بینیٹ گریشمین نے کہا کہ نیویارک کے ڈیموکریٹک گورنر کیتھی ہچل انہیں عہدے سے ہٹاسکتے ہیں لیکن اس کا عمل کافی مشکل ہے۔
رپورٹ کے مطابق فرد جرم میں کہا گیا ہے کہ ایرک ایڈمز نے ایک اہم عہدے پر ہوتے ہوئے ترک ایئرلائن میں مفت سفر کی پیش کش قبول کی حالانکہ اس کے اخراجات لاکھوں ڈالرز میں تھے، اسی طرح استنبول میں سینٹ ریگس ہوٹل میں دو راتیں گزارنے کے لیے 600 ڈالر ادا کیے جو اصل قمیت 7 ہزار ڈالر سے کئی گنا کم تھے۔
اسی طرح ان پر الزام ہے کہ 2021 میں میئر کی مہم کے دوران انہی ذرائع سے فنڈنگ کی مد میں رقم وصول کی اور اسی فنڈنگ کی مدد سے وہ ایک کروڑ ڈالر اضافی رقم حاصل کرنے میں کامیاب ہوئے۔
مین ہیٹن میں سرفہرست فیڈرل پروسیکیوٹر ڈیمیئن ولیمز نے نیوز کانفرنس میں بتایا کہ نیویارک سٹی کے ایک ابھرتے ہوئے سیاست کے ساتھ مراعات حاصل کرنے کے لیے برسوں پر محیط ایک اسکیم تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔