عمائمہ ملک کی فلم’’راجانٹورلال‘‘ کے پوسٹرز نے سوشل میڈیا پر دھوم ماچ دی

نیک تمناؤں کے اظہار پر دنیا بھر سے پرستاروں کا شکریہ، فلم کی ریلیز کے بعد نئے پروجیکٹ سائن کرونگی، اداکارہ کی ’’ایکسپریس‘‘ سے گفتگو ۔ فوٹو : فائل

---

UBAURO: پاکستان کی بین الاقوامی شہرت یافتہ اداکارہ وماڈل عمائمہ ملک کی بالی ووڈ فلم ''راجا نٹورلال'' کے پوسٹرز نے سوشل میڈیا پردھوم مچادی۔

فلم کے پروڈیوسراورڈائریکٹرنے تشہیری مہم کاآغاز کرتے ہوئے پوسٹرمتعارف کروائے ہیں جن میں عمائمہ ملک کے ساتھ ساتھ اداکارعمران ہاشمی اوردیگر بھی شامل ہیں لیکن عمائمہ ملک کی تصویر والے پوسٹرکو سوشل ویب سائٹس پر زبردست رسپانس مل رہاہے۔ دنیا بھرسے لوگوں نے پوسٹرکودیکھا اورپسند کرنے کے علاوہ اپنی رائے کااظہاربھی کیاہے۔ جب اس سلسلے میں عمائمہ ملک سے رابطہ کیاگیا تو انھوں نے ''ایکسپریس'' کوبتایا کہ فلم کے پوسٹرز کو میری سوچ سے بڑھ کر بہترین رسپانس ملاہے۔

اس وقت فلم کی تشہیری مہم جاری ہے اورہم ٹیم کی شکل میں ٹی وی چینلز کے پروگراموں، ریڈیوشو اور دیگرمقامات پرترتیب شدہ شیڈول کے مطابق حصہ لے رہے ہیں۔ یہ میرے لیے بالکل نیا تجربہ ہے لیکن اس دوران اپنے بہت سے پرستاروں سے ملاقات ہورہی ہے۔ کوئی تصاویربنواتا ہے توکوئی آٹوگراف لیتا ہے جب کہ بچوں کے ساتھ فلم کے گیتوں پرپرفارم بھی کررہی ہوں۔ دوسری جانب عمران ہاشمی بھی بالی ووڈ کے ایک معروف ستارے ہیں۔ ان کے ساتھ کام کرنے کا تجربہ توبہت اچھا رہا ہے مگراب ان کے ساتھ تشہری مہم کے دوران مجھے اندازہ ہوا کہ وہ نوجوانوں میں کس قدرمقبول ہیں۔ انھوں نے مزید بتایاکہ فلم کے پوسٹرزکوپورے بھارت کے سینما گھروں میںلگادیا گیا ہے جب کہ سوشل ویب سائٹس پربھی فلم کے پوسٹرلگائے گئے ہیں جن کولوگ دیکھ رہے ہیں۔

جہاں تک میری تصویر والے پوسٹرکی بات ہے توحیرت انگیزرسپانس دیکھنے میں آیا ہے۔ پاکستان اوربھارت ہی نہیں بلکہ دنیا کے بیشترممالک سے لوگوں نے میری تصویرکوپسند کیااورفلم کی کامیابی کے لیے نیک تمناؤں کا اظہارکیا ہے۔ عمائمہ ملک نے ایک سوال کے جواب میں بتایا کہ ''راجا نٹورلال'' کی تشہیری مہم کے دوران مجھے بالی وڈ کے معروف فلمساز اداروں کی جانب سے مزید اچھی فلمیں آفرہوئی ہیں لیکن ابھی تک میںنے کسی بھی فلم کوسائن نہیں کیا۔ اس کی بڑی وجہ یہ ہے کہ بالی وڈ میں بہترین کام کرنے کے لیے مجھے اس سے پہلے اپنی اس فلم کی تشہیری مہم کو بھرپورانداز سے چلانا ہے۔

اسی لیے اس وقت تمام ترتوجہ صرف اورصرف اپنی فلم ''راجا نٹورلال'' پر مرکوز ہیں ۔ اس فلم کے ریلیز ہونے کے بعد مزید پروجیکٹس سائن کروں گی اورآنے والے پروجیکٹس بھی اپنی مثال خود ہوں گے۔