’’دو دوست عامر اور سلمان کی فلموں کے ٹریلر بھی ایک ساتھ ‘‘

فلمی دنیا میں انکی دوستی ایک حقیقت، اب فلم ’’پی کے‘‘ اور ’’کک ‘‘ بھی اکٹھی ریلیز ہونگی، فوٹو :فائل

---

بالی ووڈ میں عامر خان اور سلمان خان کی دوستی کو ہر کوئی جانتا ہے اور دونوں ہی اپنی دوستی کو ایک دوسرے کی اچھائی کے لیے بھی استعمال کرتے رہتے ہیں۔

ان کی دوستی ایک حقیقت ہے اس کا اس بات سے بھی پتہ لگتا ہے کہ سلمان خان نے عامر خان کی فلم ''دھوم تھری '' میں استعمال ہونے والے ہیٹ کو اپنے شو ''بگ باس 7 '' میں بھی پہن کر عامر کو پروموٹ کیا تھا اور عامر نے بھی سلمان کی فلم ''جے ہو '' کو پروموٹ کیا۔ اب اگر ذرائع پر یقین کر لیا جائے تو عامر خان کی نئی فلم ''پی کے'' جس کا سب کو انتظار ہے۔

اب سلمان خان کی بھی نئی فلم ''کک '' کے ساتھ ہی پردہ اسکرین پر ایک ساتھ جلوے بکھیرنے آ رہی ہے گو کہ ابھی تک اس بارے میں کوئی مصدقہ اطلاع نہیں ہے مگر یہ بھی پتہ چلا ہے کہ سلمان خان گزشتہ دنوں عامر خان سے بھی ملے ہیں اور دونوں میں اس بات پر اتفاق بھی ہوا کہ دونوں فلموں ''پی کے'' اور ''کک '' کے ٹریلر ایک ساتھ ریلیز کیے جائیں گے۔