قومی سلیکشن کمیٹی کے ممبر محمد یوسف نے عہدے سے استعفیٰ دیدیا

سابق کرکٹر نے ذاتی وجوہات کی بنا پر عہدہ چھوڑا (فوٹو: ایکسپریس ویب)

---

قومی ٹیم کی سلیکشن کمیٹی کے ممبر محمد یوسف اپنے عہدے سے مستعفی ہوگئے۔

سماجی رابطے کی سائٹ پر محمد یوسف نے بتایا کہ ذاتی وجوہات کی بنیاد پر پاکستان ٹیم کی سلیکشن کمیٹی سے استعفی دیا۔

محمد یوسف نے سوشل میڈیا پر لکھا ہے کہ میں نے پاکستان ٹیم کی کامیابی میں حصہ ڈالا، مجھے کھلاڑیوں کے جذبے اور ٹیلنٹ پر پورا یقین ہے، قومی ٹیم کیلئے نیک تمناؤں کا اظہار کرتا ہوں کہ وہ مزید کامیابیاں سمیٹیں۔

مزید پڑھیں: فٹنس ٹیسٹ کیلئے بورڈ کا کھلاڑیوں کو ایک اور موقع دینے کا فیصلہ

پاکستان کرکٹ بورڈ (پی سی بی) نے تصدیق ہے کہ محمد یوسف کے سلیکشن کمیٹی کے رکن کے طور پر اپنی ذمہ داری سے رضاکارانہ طور پر استعفیٰ دے دیا ہےتاہم وہ دیگر اہم ذمہ داریوں پر اپنی توجہ مرکوز رکھنا چاہتے ہیں۔

پی سی بی نے سلیکشن کمیٹی کے ممبر کی حیثیت سے اپنے دور میں ذمہ داری ادا کرنے پر محمد یوسف کا تہہ دل سے شکریہ ادا کیا ہے اور کہا ہے کہ یوسف پی سی بی میں ایک اہم کردار ادا کرتے رہیں گے، ہائی پرفارمنس سینٹر میں بیٹنگ کوچ کے طور پر اپنے وسیع علم اور تجربے کا اظہار کریں گے۔

مزید پڑھیں: پلیئرز ایسوسی ایشن بنانے کا معاملہ پاکستان کے سپرد

یوسف پاکستان انڈر 19 ٹیم کے ہیڈ کوچ تھے جس نے جنوبی افریقہ میں ہونے والے آئی سی سی انڈر 19 مینز کرکٹ ورلڈ کپ 2024 میں تیسرے پوزیشن حاصل کی تھی۔

قبل ازیں ٹی20 ورلڈکپ کے بعد پاکستان کرکٹ بورڈ (پی سی بی) نے ٹیم ڈائریکٹر اور سلیکشن کمیٹی کے رکن وہاب ریاض اور عبدالرزاق کو قومی ٹیم کی خراب کارکردگی پر عہدے سے ہٹادیا تھا جبکہ انکی سابق کرکٹرز محمد یوسف اور اسد شفیق کیساتھ ہیڈکوچز جیسن گلیسپی اور گیری کرسٹن کمیٹی میں شامل کیا تھا۔

اسی طرح بلال افضل سلیکشن کمیٹی ہٹادیا تھا جبکہ ڈیٹا اینالسٹ حسن چیمہ اور ڈائریکٹر انٹرنیشنل کرکٹ عثمان واہلہ کو بھی سلیکشن کمیٹی سے باہر کردیا تھا۔