- اسپیکر قومی اسمبلی کی مولانا فضل الرحمان کو جے یو آئی کا امیر منتخب ہونے پر مبارکباد
- کے پی حکومت کے پاس ایک ایجنڈا ہے کہ جلسہ اور ناچ گانا کہاں کرنا ہے، فیصل کریم کنڈی
- پوپ فرانسس کی لبنان میں اسرائیلی حملوں پر تنقید، اخلاقیات سے ماورا قرار دے دیا
- سرگودھا؛اے ایس آئی کی ساتھی کے ساتھ مل کر میٹرک کی طالبہ سے اجتماعی زیادتی
- حکومت کے پاس نمبر پورے ہیں جب چاہے ترمیم کرسکتی ہے، شرجیل میمن
- اسلام آباد؛ سیو غزہ مہم ریلی، سابق سینیٹر مشتاق احمد اہلیہ سمیت گرفتار
- غزہ اور لبنان کے بعد اسرائیل کے یمن پر بھی فضائی حملے
- محکمہ موسمیات کی جانب سے اکتوبر کے دوران ڈینگی پھیلنے کا الرٹ جاری
- برلن میراتھن: ایتھوپیا کے ایتھلیٹس نے مردوں اور خواتین کی دوڑ جیت لی
- وزیراعلیٰ کے پی غنڈی گردی پر اتر آیا ہے انہیں تخریب کار کہنا چاہیے، امیرمقام
- کشمیر کی ساری لیڈر شپ جیل میں ہے تو یہ کیسے الیکشن ہو رہے ہیں، مشال ملک
- مودی سرکار کی انتہاپسندانہ پالیسیاں اپنے ہی شہریوں کو نگلنے لگیں
- چیئرمین کو ہٹانے سے کراچی انٹر بورڈ میں انتظامی بحران، طلبا کا مستقل داؤ پر لگ گیا
- جماعت اسلامی کا اکتوبر میں ریفرنڈم کے بعد بجلی کے بل ادا نہ کرنے کااعلان
- مقبوضہ کشمیر؛ نام نہاد الیکشن کے دوسرے مرحلے کا بھی بائیکاٹ
- ورلڈ اکنامک فورم میں مس انفارمیشن کو دنیا کیلئےسب سے بڑا رسک قرار دیا گیا، وفاقی وزیر منصوبہ بندی
- بلی جین کنگ امریکی کانگریس کا گولڈ میڈل پانے والی پہلی انفرادی خاتون کھلاڑی بن گئیں
- کملا ہیرس کا امیگریشن سسٹم ٹھیک کرنے کا وعدہ؛ ٹرمپ نے طنز کے تیر برسا دیے
- نیوکراچی میں جھگڑے کے دوران ڈنڈوں اور تیز دھار آلے کے وار سے 10 افراد زخمی
- وزیراعظم کی مولانا فضل الرحمٰن کو جے یو آئی کا بلامقابلہ امیر منتخب ہونے پر مبارکباد
کملا ہیرس کا امیگریشن سسٹم ٹھیک کرنے کا وعدہ؛ ٹرمپ نے طنز کے تیر برسا دیے
واشنگٹن: امریکی صدارتی الیکشن میں حکمراں جماعت ڈیموکریٹ کی امیدوار کملا ہیرس اور اپوزیشن کے امیدوار ڈونلڈ ٹرمپ کے درمیان امیگریشن سسٹم پر لفظی گولہ باری جاری ہے۔
امریکی میڈیا کے مطابق کملا ہیرس جو اس وقت نائب صدر بھی ہیں، سیکیورٹی کی صورتحال کا جائزہ لینے ایریزونا میں ہیں۔ وہ سرحدوں سے غیرملکی تارکین کے داخل ہونے کا معاملہ بھی دیکھ رہی ہیں۔
امریکا میکسیکو سرحد کے دورے کے دوران کملا ہیرس نے سرحد پر سخت حفاظتی اقدامات نافذ کرنے اور امریکا کے امیگریشن نظام کو ٹھیک کرنے کے عزم کا اظہار کیا۔
کملا ہیرس نے کہا کہ میں بطور صدر محنتی تارکین وطن جو امریکا میں برسوں سے مقیم ہیں کو شہریت دینے کے لیے کانگریس کے ساتھ مل کر دن رات کام کروں گی۔
سابق صدر ٹرمپ کا نام لیے بغیر کملا ہیرس نے ان کی امیگریشن پالیسی کو تنقید کا نشانہ بناتے ہوئے کہا کہ کچھ سیاستدانوں نے امیگریشن سسٹم کو ٹھیک کرنے کے لیے مل کر کام کرنے سے انکار کر دیا ہے۔
کملا ہیرس نے کہا کہ ٹھیک ہے میں صدر ہونے کی حیثیت سے ملک کے امیگریشن سسٹم کو ٹھیک کرنے کے لیے سیاست کو ایک طرف رکھوں گی اور ان مسائل کا حل تلاش کروں گی جو بہت طویل عرصے سے جاری ہیں۔
دوسری جانب ڈونلڈ ٹرمپ نے کہا کہ کملا ہیرس اور ان کی حکومت نے سرحدی تحفظ کے لیے اپنے 4 سالہ دور میں کچھ نہیں کیا۔ انھیں سرحدی علاقوں کا دورہ بھی الیکشن کے وقت یاد آیا ہے۔
ڈونلڈ ٹرمپ نے کہا کہ کملا ہیرس نے میرے دور کی سرحدی اصلاحات اور اقدامات کو معطل کرکے ملک کو نقصان پہنچایا۔ چھوٹے شہروں کو پناہ گزین کیمپوں میں تبدیل کردیا اور شہریوں کو سرحد پار کرکے آنے والے مسلح مجرموں کے رحم و کرم پر چھوڑ دیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔