کراچی سمیت سندھ بھر میں سی این جی اسٹیشنز آئندہ ہفتے 2 دن کے لئے بند رہیں گے۔

ایکسپریس نیوز کے مطابق ایم ڈی سوئی سدرن سے سی این جی ایسوسی ایشن کے نمائندوں نے ملاقات کی جس میں ہفتہ وار سی این جی بندش کے شیڈول پر غور کیا گیا۔ اس موقع پر ایم ڈی سوئی سدرن کی جانب سے فیصلہ کیا گیا کہ آئندہ ہفتے منگل اور جمعرات کو کراچی سمیت سندھ بھر میں سی این جی اسٹیشنز 24 گھنٹے کے لئے بند ہوں گے اور ہفتہ 19 جولائی کو دوپہر 3 بجے اسٹیشنز کھول دیئے جائیں گے جبکہ 28 جولائی سے شروع ہونے والے ہفتے میں سی این جی اسٹیشنز کھلے رہیں گے۔