- نوری آباد پاور پروجیکٹ ریفرنس میں وزیراعلیٰ سندھ مراد علی شاہ سمیت تمام ملزمان بری
- قومی شاہراہوں، موٹرویز پر ٹول ٹیکس میں 30 فیصد اضافہ
- فائیو جی اسپکٹرم کی نیلامی آئندہ سال ہوگی، وزارت انفارمیشن ٹیکنالوجی
- ’آپ کی خدمت میں نصراللہ‘؛ موساد کے ہیڈ کوارٹر اور ملٹری بیس پر حزب اللہ کا حملہ
- اسلام آباد؛ پی ٹی آئی کے رہنماؤں کی عبوری ضمانت میں توسیع
- بھارتی لیجنڈ بیٹسمین سچن ٹنڈولکر کی کرکٹ میں واپسی
- اسٹاک ایکسچینج میں چار روزہ مندی کے بعد تیزی کی بڑی لہر
- وزیر اعظم کے احکامات پر ٹیکس ریٹرن کی تاریخ میں توسیع خوش آئند ہے، کاٹی
- پاکستان اور آذربائیجان کا قانونی تعلیم و تربیت کیلئے ورکنگ گروپ قائم کرنے پر اتفاق
- کراچی؛ چھری کے وار سے شہری کو قتل کرنے میں ملوث میاں بیوی گرفتار
- چین کی سپر مارکیٹ میں چاقو بردار ملزم کے حملے میں 3 افراد ہلاک، 15 زخمی
- مریم نواز کا نابینا افراد کے احتجاج پر نوٹس، پولیس کو سختی نہ کرنے کی ہدایت
- پشاور بی آر ٹی کے کرایوں میں اضافے کا اعلان
- آئی ایم ایف معاہدہ؛ وفاق نے ہمارا مطالبہ تسلیم کرلیا، مشیرخزانہ کے پی
- قومی اسمبلی اور سینیٹ کے پارلیمانی رہنماؤں کا اجلاس طلب کرنے کی تردید
- ریکارڈ پہ ریکارڈ؛ بھارتی بلے بازوں نے ٹیسٹ کرکٹ میں انوکھی تاریخ رقم کردی
- دہشت گردوں کی واپسی؛ جرگہ بناکر سیاسی جماعتوں کو بٹھائیں اور مسئلہ حل کریں، پشاور ہائیکورٹ
- وجیہہ سواتی قتل کیس دوبارہ سماعت کے لیے عدالت کو ارسال
- سابق پاکستانی پنالٹی کارنر اسپیشلسٹ سہیل عباس ملائیشین ہاکی سے وابستہ
- بینکاک سے کراچی آئے پارسل سے پونے دو کروڑ کی منشیات برآمد
پاکستان ریلوے پولیس میں خالی اسامیوں کی تعداد 3ہزار سے زائد ہوگئیں
لاہور: پاکستان ریلوے پولیس میں خالی ہونے والی اسامیوں کی تعداد 3ہزار سے زائد ہوگئیں، اسٹاف میں کمی کے باعث اہلکاروں سے ڈبل شفٹ میں ڈیوٹیاں لی جا رہی ہیں۔
ذرائع ریلوے پولیس کے مطابق ریلویز پولیس کی منظور شدہ نفری تقریباً 7300 کے قریب ہے جبکہ حاضر نفری کی تعداد تقریباً 4200 ہے، اس لحاظ سے ریلویز پولیس کی تقریباً 3 ہزار سے زائد اسامیاں خالی پڑی ہیں۔
ملک بھر میں قائم ریلوے اسٹیشنوں، ریلوے ٹریک، ریلوے تنصیبات اور ٹرینوں میں ڈیوٹی سر انجام دینا کسی مسئلے سے کم نہیں ہے۔
ریلویز پولیس میں سب سے زیادہ کانسٹیبل کی تقریباً 2800، ہیڈ کانسٹیبل اور اے ایس آئی کی بالترتیب 80 اور 90 سے زائد اسامیاں خالی ہیں۔ سب انسپکٹرز کی 10 اور انسپکٹرز کی 15 کے قریب اسامیاں عرصہ دراز سے خالی پڑی ہوئی ہیں۔
ریلویز پولیس کے بم ڈسپوزل اسٹاف کی بھی عرصہ دراز سے بھرتیاں نہ ہونے کی وجہ سے 25 میں سے 16 سے زائد اسامیاں خالی پڑی ہوئی ہیں جبکہ پرائیویٹ سیکریٹری، رجسٹرار، اسٹینو گرافر، آفس سپرنٹنڈنٹ، ہیڈ کلرک، یو ڈی سی اور نائب قاصد کی 160 میں سے 60 کے قریب اسامیاں خالی ہیں۔
ریلویز پولیس میں مالی، سویپر اور لانگری کی بھی اسامیاں عرصہ دراز سے خالی پڑی ہوئی ہیں۔ بھرتیاں نہ ہونے کی وجہ سے ورکنگ میں کافی مشکلات کا سامنا کرنا پڑ رہا ہے۔
وزارت ریلوے سمیت ریلوے ہیڈکوارٹر میں متعدد بار ہونے والے اجلاس میں اس بات کی نشاندہی کی گئی۔ ریلوے پولیس میں بھرتی کی اجازت دی جائے لیکن ریلوے پولیس افسروں کی کوئی شنوائی نہیں ہوئی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔