کورنگی میں فائرنگ سے شہید اے ایس آئی سپردخاک

کورنگی میں فائرنگ کر کے شہید کیا جانے والا پولیس افسرسپرد خاک کردیا گیا۔


پیر کو کورنگی تھانے کی حدود ضیا کالونی میں نامعلوم ملزمان نے فائرنگ کر کے اے ایس آئی یوسف خان کو فائرنگ کر کے شہید کردیا تھا، مقتول کورنگی انویسٹی گیشن پولیس میں تعینات اور زمان ٹائون تھانے کی حدود کورنگی51-C کا رہائشی اور3 بچوں کا باپ تھا مقتول کی نماز جنازہ گزشتہ روز پولیس ہیڈ کوارٹر گارڈن میں ادا کی گئی نماز جنازہ میں پولیس کے اعلیٰ افسران شریک ہوئے، خصوصی دستے نے سلامی پیش کی، مقتول کو کورنگی نمبر 6 کے قبرستان میں سپردخاک کردیا گیا، پولیس نے واقعے کا مقد مہ بھائی کی مدعیت میں کورنگی تھانے میں درج کرکے تفتیش انویسٹی گیشن پولیس کے سپرد کردی ہے۔