- ہیومن رائٹس نمائندوں، وکلاء اور سول سوسائٹی کا آئینی عدالت کے قیام پر زور
- مقبوضہ کشمیر، بھارتی فوجیوں نے ستمبر میں 17 کشمیریوں کو شہید کیا
- ایم کیو ایم، بے شمار قربانیاں دینے کے بعد آج بھی بنیادی مسائل کا شکار
- "نصر من اللَّه وفتح قريب" خامنہ ای کی ایکس پر پوسٹ
- تیونس: صدارتی امیدوار کو 12 سال قید کی سزا
- کراچی، گودام میں دوبارہ آگ بھڑک اٹھی
- آج رات مشرق وسطیٰ میں طاقتور فضائی حملہ کریں گے، اسرائیلی فوج
- حماس کی اسرائیل پر میزائل حملوں پر ایران کو مبارک باد
- دنیا کی سب سے موٹی زبان رکھنے والی خاتون
- بھارت اور اسرائیل پاک فوج کی وجہ سے پاکستان کے ساتھ چھیڑ چھاڑ سے گریزاں ہیں، وزیر دفاع
- بیروت، غزہ اور تہران میں جشن، عوام اللہ اکبر کے نعرے لگاتے سڑکوں پر نکل آئے
- بابر اعظم نے قومی کرکٹ ٹیم کی کپتانی سے استعفیٰ دے دیا
- حملے میں موساد کے ہیڈ کوارٹر کو نشانہ بنایا، ایرانی سرکاری میڈیا کا دعویٰ
- ایران کے بیلسٹک میزائلوں کی بڑی تعداد کو فضا میں ہی ناکارہ بنادیا ہے، اسرائیل
- ایرانی حملہ ختم ہوگیا، شہری شیلٹرز سے باہر آجائیں، اسرائیل
- حسن نصراللہ اور اسماعیل ہنیہ کی شہادت کے جواب میں اسرائیل کو نشانہ بنایا، پاسداران
- پی آئی اے نے تمام پروازوں کو ایرانی فضائی حدود کے استعمال سے روک دیا
- پیپلزپارٹی کا 18 اکتوبر کو حیدرآباد میں عوامی جلسہ کرنے کا اعلان
- کراچی، سولر پینل کے گودام میں کئی گھنٹوں سے لگی آگ پر قابو نہ پایا جاسکا
- ایران کے خلاف اسرائیل کے دفاع میں مدد کیلئے تیار ہیں، امریکی صدر
حسن نصراللہ اور اسماعیل ہنیہ کی شہادت کے جواب میں اسرائیل کو نشانہ بنایا، پاسداران
تہران: ایرانی پاسداران انقلاب نے کہا ہے کہ لبنان میں حزب اللہ کے سیکریٹری جنرل حسن نصراللہ اور تہران میں حماس کے سربراہ اسماعیل ہنیہ کو شہید کرنے کے جواب میں قابل اسرائیل پر حملہ کیا گیا ہے۔
ایرانی سرکاری خبرایجنسی فارس کی رپورٹ کے مطابق پاسداران انقلاب نے ایک بیان میں اعلان کیا ہے کہ اسرائیل کی جانب سے ایران کے سینئر کمانڈر سمیت حماس اور حزب اللہ کے سربراہان کو شہید کیا گیا جس کے جواب میں مقبوضہ خطے پر درجنوں میزائل داغے ہیں۔
پاسداران انقلاب نے کہا کہ حزب اللہ کے سربراہ سید حسن نصراللہ کو بیروت، حماس کے سربراہ اسماعیل ہنیہ اور بریگیڈیئر جنرل عباس نیلفروشان کی اسرائیل کے ہاتھوں شہادت کے جواب میں مقبوضہ خطے کے مرکزی علاقوں کو نشانہ بنایا گیا ہے۔
یہ بھی پڑھیں: ایران نے اسرائیل پر 400 سے زائد بیلسٹک میزائل فائر کردیے
بیان میں کہا گیا کہ پاسداران انقلاب نے اسرائیل کے سیکیورٹی اہداف اور اہم فوجی مراکز پر درجنوں بیلسٹک میزائل فائر کیے ہیں۔
پاسداران انقلاب نے صہیونی حکومت کو خبردار کیا کہ اسرائیل اگر ایران کے جائز جواب پر فوجی ردعمل کا ارادہ رکھتا ہے تو اس کو بدترین اور تباہ کن حملوں کے نتائج کا سامنا کرنا پڑے گا۔
پاسداران نے بیان میں واضح کیا کہ انہوں نے اسرائیل پر حملے اقوام متحدہ کے چارٹر کے مطابق اپنے قانونی حق دفاع کے تحت اور امریکا آشیرباد سے صہیونی حکومت کی جانب سے بدترین جرائم کے ذریعے لبنان اور فلسطین کے شہریوں کو نشانہ بنانے کے خلاف کیا ہے۔
بیان میں کہا گیا کہ کارروائی کے دوران تل ابیب میں تین اسرائیلی ملیٹری بیسز کو نشانہ بنایا گیا۔
خبرایجنسی نے رپورٹ میں دعویٰ کیا کہ ذرائع نے تصدیق کی ہے کہ فائر کیے گئے 80 میزائل مقبوضہ خطے میں اہداف پر لگے ہیں۔
مزید پڑھیں: اسرائیل میں ایک اور بڑا حملہ، 6 افراد ہلاک، 9 زخمی
ادھر اقوام متحدہ میں ایران کے سفیر نے بیان میں کہا کہ ایران نے مناسب انداز میں جواب دے دیا ہے۔
سماجی رابطے کی ویب سائٹ ایکس پر بیان میں اقوام متحدہ میں ایران کے مستقل مشن نے بیان میں کہا کہ ایران نے صہیونی حکومت کو اپنا قانونی، منطقی اور جائز جواب دیا، جس نے ایران کے شہریوں اور مفادات کو نشانہ بنایا تھا اور ایران کی قومی سلامتی کو بھی خطرے میں ڈال دی تھی۔
ایرانی مشن نے کہا کہ ایران نے اپنے مفادات کو نشانہ بنانے پر اپنا جائز اور قانون حق کا استعمال کرتے ہوئے مناسب جواب دے دیا ہے۔
مشن نے کہا کہ اگر اسرائیل نے جواب دیا کہ مزید کارروائی یا جارحیت کی کوشش کی تو منہ توڑ جواب دیا جائے گا، خطے کی ریاستوں اور صہیونی حامیوں کو مشورہ دیا جاتا ہے کہ وہ اس صہیونی حکومت سے اپنا تعلق توڑ دیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔