آن لائن جنسی ہراسانی اور بلیک میلنگ میں ملوث ملزم گرفتار

  اسلام آباد: ایف آئی اے سائبر کرائم سرکل راولپنڈی نے آن لائن جنسی ہراسانی اور بلیک میلنگ میں ملوث شخص کو گرفتار کرلیا۔

ایف آئی اے کے مطابق ملزم بالاج زاہد کو راولپنڈی سے گرفتار کیا گیا۔ ملزم نے  متاثرہ خاتون کی قابلِ اعتراض تصاویر اور ویڈیوزبنا کرسوشل میڈیا پر شئیرکی تھیں۔ ملزم بالاج نے جعلی فیس بک آئی ڈی کے ذریعے تصاویر شئیرکیں۔

ایف آئی اے کا مزید کہنا ہے کہ ملزم متاثرہ خاتون کو گزشتہ کئی ماہ سے بلیک میل کر رہا تھا۔ ملزم کے قبضے سے قابل اعتراض مواد اورموبائل فون برآمد کر لیا گیا ہے۔ گرفتار ملزم سے مزید تفتیش جاری ہے۔