اسرائیل کی جوابی حملے کی دھمکی ایران نے اپنے ایٹمی ہتھیاروں کو محفوظ کرلیا

اسرائیل ممکنہ طور پر جوابی حملے میں ایران کی جوہری یا تیل کی تنصیبات کو نشانہ بنا سکتا ہے

---

ایران کے200 سے زائد بیلسٹک میزائل سے حملوں کا جواب دینے کی اسرائیل کی دھمکی سے ایٹمی جنگ چھیڑنے کا خدشہ پیدا ہوگیا۔

عالمی خبر رساں ادارے کے مطابق اسرائیلی وزیراعظم نیتن یاہو نے ایران کو سنگین نتائج بھگتنے کی دھمکی دی ہے لیکن انھوں نے جوابی حملے کے وقت اور نوعیت سے متعلق کچھ نہیں بتایا۔

یہ بھی پڑھیں : اسرائیل ہم سے نہ الجھے، اپنی طاقت کی ابھی صرف ایک جھلک دکھائی ہے، ایرانی صدر

تاہم صیہونی ریاست کے کچھ حکام نے عندیہ دیا ہے کہ ایران پر جوابی حملے میں اس کی جوہری تنصیبات یا تیل کے ذخائر کو نشانہ بنایا جا سکتا ہے۔

یہ خبر پڑھیں : اسرائیل ایران کی جوہری تنصیبات پر حملہ کرنے کی تیاری کر رہا ہے، سی این این

دوسری جانب دفاعی امور کے ماہر اور مشرق وسطیٰ کی صورت حال پر نظر رکھنے والے تجزیہ کاروں نے خدشہ ظاہر کیا ہے اسرائیل ممکنہ طور ایران کے جوہری پلانٹ اور ہتھیاروں کو نشانہ بنانے کی منصوبہ بندی کر رہا ہے۔

یہ بھی پڑھیں : ایران حملے کے نتائج کے لیے تیار رہے، صدر جو بائیڈن

جس پر آج ایران کی جوہری توانائی کی تنظیم کی جانب سے جاری غیر معمولی بیان میں کہا گیا ہے کہ ملک کی جوہری تنصیبات کو کسی بھی حملے سے محفوظ بنانے کے لیے اقدامات کرلیے ہیں۔

یہ خبر بھی پڑھیں : آسٹریلیا؛ احتجاج میں حزب اللہ کا پرچم لہرانے پر 19 سالہ لڑکی پر فرد جرم عائد

اس موقع پر ایران کی جوہری توانائی کی تنظیم کے اس بیان کی اہمیت بہت بڑھ گئی ہے اور امریکا سمیت مغربی ممالک ممکنہ ایٹمی جنگ کو روکنے کے لیے سر جوڑ کر بیٹھ گئے ہیں۔