ہانگ کانگ ورلڈ سپر سکسز ٹورنامنٹ میں آل راؤنڈر فہیم اشرف پاکستان کی قیادت کریں گے۔
پی سی بی کی جانب سے جاری کردہ اعلامیے میں کہا گیا ہے کہ آل راؤنڈر فہیم اشرف ہانگ کانگ ورلڈ سپر سکسز ٹورنامنٹ میں 7 رکنی پاکستانی اسکواڈ کی قیادت کریں گے۔
ٹورنامنٹ یکم سے 3 نومبر تک ہانگ کانگ کے کولون کرکٹ کلب میں کھیلا جائے گا، جس میں 8 ٹیمیں شرکت کریں گی۔
مزید پڑھیں: ہانگ کانگ سپر سکسز کی 7 سال بعد واپسی! شائقین کیلئے بڑی خوشخبری آگئی
پاکستان نے 1993 میں ٹورنامنٹ کے آغاز سے لے کر اب تک یہ ٹورنامنٹ 4 مرتبہ جیتا ہے جبکہ وہ 5 بار ایونٹ کا رنر اَپ رہا ہے جس میں 2017 میں منعقدہ آخری ایڈیشن کے فائنل کیلئے کوالیفائی کرنا بھی شامل ہے۔
پاکستان اسکواڈ میں فہیم اشرف (کپتان) عامر یامین، آصف علی، دانش عزیز، حسین طلعت، محمد اخلاق (وکٹ کیپر) اور شہاب خان شامل ہیں۔
سابق ٹیسٹ وکٹ کیپر بیٹسمین سلیم یوسف ٹیم کے منیجر ہوں گے۔