بپاشا باسو آؤٹ پریانکا اور سنی لیون آئٹم سانگ میں ایک ساتھ پرفارم کریں گی

پریانکا چوپڑا کی پرفارمنس پر مکمل اعتماد ہے ، ایکتا کپور اور سنجے گپتا فوٹو : ایکسپریس

---

بالی وڈ اداکارہ پریانکا چوپڑا نے ایکتا کپور اور سنجے گپتا کی نئی فلم میں آئٹم سانگ کرنے کی حامی بھرلی ہے ۔

ان کے ساتھ سنی لیون بھی پرفارم کریں گی۔ بتایا گیا ہے کہ نئی فلم '' شوٹ آئوٹ ایٹ وڈالہ''کے آئٹم سانگ کے لیے اداکارہ سے ڈیٹ لی گئی تھی مگروہ اپنی میوزک البم کی تیاری کے سلسلے میں لاس اینجلس آتی جاتی رہیں اب وہ فلم کی شوٹنگ سے بھی فارغ ہوئی ہیں ۔

ایکتا کپور اور سنجے گپتا نے کہا ہے کہ انھیں پریانکا چوپڑا کی پرفارمنس پر مکمل اعتماد ہے اور وہ سنی لیون کے ساتھ اس آئٹم سانگ کو انتہائی خوبی کے ساتھ پرفارم کررہی ہیں ۔

یہ ایک طرح کا مجرا اسٹائل آئٹم نمبر ہوگا ۔جس میں سنی لیون اور پریانکا اکٹھی جلوہ گر ہوں گی۔ میڈیا رپورٹ کے مطابق بھارتی اداکارہ پریانکا چوپڑا اور سنی لیون آئٹم سانگ میں ایک ساتھ جلوہ گر ہوں گی۔

فلم'' شوٹ آئوٹ ایٹ وڈالہ'' میں یہ آئٹم سانگ پہلے بپاشا باسو پر فلمایا جانا تھا تاہم بپاشا کے سابقہ دوست جان ابراہم کے ساتھ تعلقات خراب ہونے کی وجہ سے انھوں نے فلم سے بپاشا باسو کوآئوٹ کروا دیا اور ہدایتکار نے ان کی جگہ پریانکا چوپڑا کو کاسٹ کر لیا۔

بھارتی میڈیا کے مطابق اب اس فلم میں پریانکا کے ساتھ ایک آئٹم سانگ میں سنی لیون بھی جلوہ گر ہورہی ہیں۔ فلمی حلقوں کا کہنا ہے کہ شائقین اس آئٹم سانگ کی ریلیز کا انتظار کررہے ہیں۔