- عمران خان سمیت پی ٹی آئی رہنماؤں کارکنوں پر لاہور میں بغاوت اور دہشتگردی کا مقدمہ
- راولپنڈی؛ لین دین کے تنازع پر 2 افراد قتل
- لاہورسمیت پنجاب کے مختلف اضلاع میں بارش
- بلوچستان سے بھوسے کی آڑ میں چھالیہ اسمگلنگ کی کوشش ناکام
- بانی چیئرمین کے اعلان تک احتجاج جاری رہے گا، شیخ وقاص اکرم
- اسرائیلی فوج کی غزہ میں مسجد اور اسکول پر وحشیانہ بمباری، 24 فلسطینی شہید
- پی ٹی آئی احتجاج میں زخمی ہونے والا پولیس کانسٹیبل جاں بحق
- پی ایس ایل؛ پلیئرز سے براہ راست معاہدوں کی تجویز مسترد
- محکمہ موسمیات کی کراچی میں درجہ حرارت دوبارہ بڑھنے کی پیشگوئی
- سری لنکا میں کئی سال سے قید 56 پاکستانی آج وطن واپس پہنچیں گے
- شکستوں کا داغ دھونے کیلئے پاکستان کو فتوحات کی تلاش
- ملتان ٹیسٹ، کون پڑے گا کس پر بھاری؟ ٹیموں کی تیاری جاری
- پی ٹی آئی احتجاج؛ جڑواں شہروں میں رکاوٹیں ہٹانے کا سلسلہ شروع، موبائل فون و انٹرنیٹ سروس بحال
- برف سے ڈھکا دنیا کا سرد ترین خطہ سرسبز ہونے لگا
- دوستوں کا ساتھ زندگی میں خوشی کی کلید ہے، ماہرین
- پاکستانی ٹیم انگلینڈ کیلیے ترنوالہ ثابت نہیں ہوگی
- فیس بک کی بدولت جوڑے کو 57 سال بعد اپنی شادی کی ویڈیو مل گئی
- پاکستان سے غیرملکی سرمایہ کاری کے انخلا کا پروپیگنڈہ افسانہ قرار
- رحیم یار خان کچے میں پولیس آپریشن، سابق ایس ایچ او ماچھکہ کی شہادت میں ملوث دو ڈاکو ہلاک
- کراچی میں ڈی ایس پی علی رضا کے قتل میں ملوث 2 ملزمان مبینہ مقابلے میں ہلاک
ملتان ٹیسٹ، کون پڑے گا کس پر بھاری؟ ٹیموں کی تیاری جاری
لاہور:
ملتان ٹیسٹ میں کون پڑے گا کس پر بھاری؟ ٹیموں کی تیاری جاری ہے، انگلش ٹیم کوبڑا دھچکا لگ گیا، انجری مسائل کے شکار کپتان بین اسٹوکس پہلے ٹیسٹ سے باہر ہوگئے، اولی پوپ قیادت کے فرائض سرانجام دیں گے۔
تفصیلات کے مطابق پاکستان اور انگلینڈ کے درمیان 7 اکتوبر سے ملتان میں شروع ہونے والے پہلے ٹیسٹ کے لیے ٹیموں کی تیاریوں میں تیزی آگئی، کھلاڑی جہاں میچ کے لیے پْرجوش ہیں وہیں انگلش ٹیم کو ایک بڑا دھچکا بھی لگا، 11 رکنی ٹیم میں کپتان بین اسٹوکس ہیمسٹرنگ انجری کی وجہ سے شامل نہیں ہو سکے، اولی پوپ قیادت کے فرائض سرانجام دیں گے۔
اسٹوکس دی ہنڈرڈ کے دوران انجرڈ ہوئے تھے جس کی وجہ سے وہ سری لنکا کے خلاف ٹیسٹ سیریز میں بھی حصہ نہیں لے سکے، فاسٹ بولر برائیڈن کارس ڈیبیو کریں گے ، جیک لیچ کی جنوری میں دورہ بھارت کے بعد ٹیسٹ ٹیم میں واپسی ہوئی۔
انگلینڈ کی 11 رکنی ٹیم میں زیک کرولی، بین ڈکٹ، اولی پوپ (کپتان)، جو روٹ، ہیری بروک، جیمی اسمتھ (وکٹ کیپر)، کرس ووکس، گس اٹکنسن، برائیڈن کارس، جیک لیچ اور شعیب بشیر شامل ہیں۔
پاکستانی 15 رکنی اسکواڈ شان مسعود (کپتان)، سعود شکیل (نائب کپتان)، عامر جمال، عبداللہ شفیق، ابرار احمد، بابر اعظم، میر حمزہ، محمد ہریرہ، محمد رضوان (وکٹ کیپر)، نسیم شاہ، نعمان علی، صائم ایوب، سلمان علی آغا، سرفراز احمد (وکٹ کیپر) اور شاہین شاہ آفریدی پر مشتمل ہے۔ 11 رکنی حتمی ٹیم کا اعلان جلد متوقع ہے۔
ادھر سیریز سے پہلے لفظی جنگ شرو ع ہو چکی ہے، انگلش بیٹر جو روٹ نے ملتان میں پریس کانفرنس کے دوران کہا کہ ہماری پاکستان کے خلاف گزشتہ سیریز کی اچھی یادیں ہیں، گوکہ ٹیم میں کچھ کھلاڑی ناتجربہ کار ہیں لیکن سب میزبان سائیڈ کے خلاف میچ کا نتیجہ اپنے نام کرنے کے لیے پْرجوش ہیں، ان میں بے پناہ ٹیلنٹ موجود ہے، سینیئر اور جونیئر پلیئرز پر مشتمل ہماری ٹیم توقعات پر پورا اترے گی۔
انھوں نے کہا کہ پاکستان ٹیم کو کسی بھی صورت آسان حریف نہیں سمجھتے، ہمیشہ کی طرح اس میں اب بھی میچ ونرز موجود ہیں، سیریز کے دوران اسے ہوم کنڈیشنز کا فائدہ ہو سکتا ہے، ہم سب کا یہی پلان ہے کہ اپنے کھیل پر فوکس کر کے اچھا کھیلنا ہے۔ ہمیں نہ صرف زیادہ سے زیادہ رنز بنانے ہیں بلکہ 20 وکٹیں بھی حاصل کرنی ہیں۔
پاکستان کرکٹ ٹیم کے نائب کپتان سعود شکیل نے کہا کہ انگلش ٹیم جارحانہ انداز میں کھیلتی ہے، ایسے میں غلطیاں بھی ہوتی ہیں، ہماری کوشش ہوگی کہ ان سے زیادہ غلطیاں کروا کر سیریز جیتیں۔
پریس کانفرنس میں انھوں نے مزید کہا کہ ہم انگلینڈ کے حوالے سے زیادہ نہیں سوچ رہے، ہمیں اپنے پلان اور صورتحال کے مطابق کھیلنا ہے، پلیئرز بہت محنت کر رہے ہیں، ہمیں سیریز جیتنی ہے، اس کیلیے ہر شعبے میں پرفارم کرنا ہوگا۔ ٹیم کا مورال بلند اور کوئی گروپنگ نہیں ہے، سب کا فوکس اچھا کھیلنا ہے، مجھے یقین ہے کہ ہم عمدہ کارکردگی کا مظاہرہ کریں گے۔
انھوں نے کہا کہ ابھی ٹیسٹ میچ میں ایک دن باقی ہے، مجھے یقین نہیں کہ پچ پر گراس ہوگی یا نہیں، اس لیے پلان کے بارے میں کچھ نہیں کہہ سکتا۔ سعود شکیل نے کہا کہ شاہین آفریدی اچھی بولنگ کر رہے ہیں، ہمیں جب ضرورت ہوتی ہے تو تیز بیٹنگ کرتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔