پکڑے گئے چائنیز سالٹ کی مالیت ایک کروڑ 70لاکھ روپے،مقدمہ درج کرلیا گیا ۔ فوٹو : فائل
ڈپٹی کلکٹر کسٹمز انفورسمنٹ رضا نقوی نے ایکسپریس کو بتایا کہ گودام سے برآمد ہونے والے اسمگل شدہ اجینو موتو چائنیز سالٹ (مونو سوڈیم گلٹومیٹ) کی مالیت ایک کروڑ 70لاکھ روپے ہے، انھوں نے بتایا کہ منظم گروہ ملک کے مختلف حصوں سے اسمگل شدہ چائنیز سالٹ کو کراچی منتقل کرتا ہے جس کو بعدازاں تھوک قیمت پر فروخت اور سپلائی کیا جاتا ہے۔
برآمد ہونے والے چائنیز سالٹ کو کسٹمز اے ایس او گودام میں منتقل کردیا گیا ہے، حکام نے مقدمہ درج کرکے ایک ملزم کو گرفتار کرکے اس سے مزید تفتیش کیلیے مجاز عدالت سے ریمانڈ بھی حاصل کرلیا ہے۔
واضح رہے کہ محکمہ صحت نے اجینو موتو کو مضر صحت قرار دیا ہوا ہے اور ملک میں اجینو موتو کی درآمد خریدو فروخت پر پابندی عائد ہے، ذرائع کا کہنا ہے کہ کراچی کے بیشتر پکوان سینٹرز میں بریانی اور مختلف اقسام کے چاول پلاؤ میں انسانی صحت کیلیے مضر چائنیز سالت (اجینو موتو) کا بے دریغ استعمال کیا جارہا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔