- ڈی ایس پی سی ٹی ڈی کی ریکی اور واردات کیسے کی گئی؟ فوٹیج سامنے آگئی
- پست ہمتی اور ذہنی دباؤ؛ بھارت میں ایک ہی دن میں 2 فوجیوں نے خودکشی کرلی
- تحریک انتشار کا مقصد لاشیں گرانا تھا، وزیر اطلاعات
- انگلینڈ کیخلاف پہلے ٹیسٹ کیلیے پاکستانی ٹیم کا اعلان، اہم فاسٹ بولر شامل
- عمران خان کی بہنوں کا دہشت گردی کیس میں جسمانی ریمانڈ منظور
- موساد نے حزب اللہ کے زیرِ استعمال پیجرز میں دھماکے کیسے کیے
- جے شنکر کا دورہ پاکستان، محسن نقوی کیساتھ کرکٹ ڈپلومیسی پر تبادلہ خیال کا امکان
- مریم نواز کا اسلام آباد میں کانسٹیبل کی شہادت پر گہرے دکھ کا اظہار
- احتجاج کی آڑ میں بلوائیوں کا دارالحکومت پر دھاوا، حقائق منظرِ عام پر آگئے
- علی امین گنڈا پورکے خیبر پختونخوا ہاؤس سے غائب ہونے کے حقائق منظر عام پر
- ایک منتخب وزیراعلی کو لاپتہ کرنا دہشت گردی نہیں تو اور کیا ہے؟ مشیر کے پی
- اسلام آباد میں امن و امان کی غیر یقینی صورتحال، جماعت اسلامی کا غزہ ملین مارچ ملتوی
- حکومت نے پشتون تحفظ موومنٹ پر پابندی لگا دی
- ہریانہ میں بی جے پی کا 10 سالہ اقتدار کا دھڑن تختہ؛ کانگریس کی فتح یقینی
- وزیراعلی کے پی پولیس یا کسی ادارے کی حراست میں نہیں، وزیر داخلہ
- وزیراعلی کے پی کی بازیابی کیلئے پی ٹی آئی وکلاء کا پشاور ہائیکورٹ سے رجوع
- موسمیاتی تبدیلیوں سے ورکنگ اینملز کی صحت متاثر ہو رہی ہے
- عمران خان سمیت پی ٹی آئی رہنماؤں کارکنوں پر بغاوت اور دہشتگردی کا مقدمہ
- راولپنڈی؛ لین دین کے تنازع پر 2 افراد قتل
- لاہورسمیت پنجاب کے مختلف اضلاع میں بارش
مقبول بھارتی ڈرامہ 'وکرال گبرال' کے اداکار کی والدہ کی گلا کٹی لاش برآمد
پونے: بھارتی ٹیلی ویژن انڈسٹری کے مقبول ہارر ڈرامے ‘وکرال گبرال’ اور ‘اش کوئی ہے’ میں مرکزی کردار ادا کرنے والے اداکار و سابق کرکٹر سلیل انکولا کی والدہ کی گلا کٹی ہوئی لاش برآمد ہوئی ہے۔
بھارتی میڈیا کے مطابق اداکار سلیل انکولا کی 77 سالہ والدہ 4 اکتوبر جمعہ کے روز پونے میں واقع اپنے فلیٹ میں مردہ حالت میں پائی گئیں۔
پولیس کا کہنا ہے کہ 77 سالہ مالا اشوک انکولا کا گلا کٹا ہوا تھا جبکہ زخم دیکھ کر ایسا ظاہر ہورہا ہے کہ اُنہوں نے خود اپنا گلا کاٹ کر خودکشی کی ہے۔
بھارتی پولیس نے میڈیا کو بتایا کہ یہ افسوسناک واقعہ اُس وقت سامنے آیا کہ جب مالا اشوک کی ملازمہ کام کرنے کے لیے فلیٹ پر آئی اور جب اداکار کی والدہ نے دروازہ نہیں کھولا تو ملازمہ نے پریشانی کے عالم میں اُن کے رشتہ داروں کو اطلاع دی۔
پولیس کے مطابق جب فلیٹ کا دروازہ کھولا گیا تو اداکار کی والدہ مردہ حالت میں تھیں، اُن کا گلا کٹا ہوا تھا اور بظاہر ایسا لگتا ہے کہ اُنہوں نے کچن میں استعمال ہونے والی چھری سے اپنا گلا کاٹا۔۔
میڈیا رپورٹس میں بتایا جارہا ہے کہ مالا اشوک انکولا ذہنی مرض میں مبتلا تھیں اور شاید اسی وجہ سے اُنہوں نے اپنی جان لی۔
مزید پڑھیں: اداکار و سابق کرکٹر سلیل انکولا بھارتی ٹیم کی سلیکشن کمیٹی کا حصہ بن گئے
اس حوالے سے ڈپٹی کمشنر آف پولیس (ڈی سی پی) سندیپ گل نے کہا کہ ہمیں اُن کی لاش مشکوک حالت میں ملی، ہم اس بات کی تحقیقات کر رہے ہیں کہ یہ قدرتی موت ہے، خودکشی ہے یا پھر قتل۔
اُنہوں نے مزید کہا کہ پوسٹ مارٹم رپورٹ آنے کے بعد ہی موت کی اصل وجہ سامنے آئے گی، تاہم واقعے کی ہر پہلو سے تفتیش جاری ہے۔
یاد رہے کہ بھارت میں سلیل انکولا وہ چہرہ ہیں جن سے لوگ خوب اچھی طرح واقف ہیں لیکن بطور کھلاڑی نہیں بلکہ ٹی وی شوز کے ذریعے، اُنہوں نے وکرال گبرال اور اش کوئی ہے سمیت سنجے دت کی فلم میں بھی مرکزی کردار ادا کیا تھا۔
سلیل انکولا نے بھارتی کرکٹ ٹیم کے لیجنڈ کرکٹر سچن ٹنڈولکر کے ساتھ نومبر 1989 میں ٹیسٹ ڈیبیو کیا تھا اور انہوں نے اس ٹیسٹ میں دو وکٹیں لی تھیں لیکن اس کے بعد وہ کوئی ٹیسٹ میچ نہ کھیل سکے۔
وہ ون ڈے میں بھی سچن ٹنڈولکر کے ساتھ ڈیبیو کرنے والے کھلاڑیوں میں شامل تھے تاہم بھارت کیلئے محض 20 میچز کھیل سکے۔
سلیل انکولا نے 1998 میں 28 سال کی عمر میں پیشہ ورانہ کرکٹ سے ریٹائرمنٹ لے لی تھی اور پھر فلموں اور ڈراموں میں کام کرنے لگے تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔