سچے فنکارکی صلاحیتوں کو دبایا نہیں جاسکتا میگھا

اسٹیج ڈراموں سے فحاشی تب ختم ہو گی جب پروڈیوسرز اسے ختم کریں گے۔ فوٹو : ایکسپریس

---

اسٹیج اداکارہ میگھا نے کہا ہے کہ سچے فنکار کی صلاحیتوں کو دبایا نہیں جاسکتا۔

انھوں نے کہا کچھ لوگ ہر وقت مجھے آئوٹ کرنے کی سازش کرتے رہتے ہیں مگر خدا کا شکر ہے کہ وہ ہر بار ناکام ہوتے ہیں' میں اسٹیج ڈراموں پر فحاشی کے خلاف ہوں مگر فحاشی تب ختم ہو گی جب ڈراموں میں اداکاروں کے کرداروں سے پروڈیوسرز فحاشی ختم کریں گے۔

ان کا کہنا تھا کہ جو کوئی بھی کامیاب ہوتا ہے اس کے خلاف سازشیں بھی اتنی ہوتی ہیں اور میرے خلاف بھی اسٹیج کی دنیا میں بہت سے لوگ ہیں۔

جو ہر وقت سازشیں کرتے ہیں اور ان کی یہ خواہش ہے کہ میں شوبز سے آئوٹ ہو جائوں مگر وہ تمام لوگ ناکام ہوتے ہیں اور میں مزید کامیابیاں حاصل کرتی ہوں۔