عمران اشرف کی سابقہ اہلیہ کرن اشفاق کے ہاں بیٹی کی پیدائش

  کراچی: پاکستان شوبز انڈسٹری کے معروف اداکار و میزبان عمران اشرف کی سابقہ اہلیہ و ماڈل کرن اشفاق کے ہاں بیٹی کی پیدائش ہوئی ہے۔

کرن اشفاق اور اُن کے دوسرے شوہر حمزہ علی چوہدری نے اپنے آفیشل انسٹاگرام ہینڈل پر جاری کی گئی پوسٹ میں بیٹی کی پیدائش کا اعلان کیا۔

اُنہوں نے کہا کہ ہم نے اپنی زندگی کی سب سے بڑی خوشی اپنی بیٹی کو دُنیا میں خوش آمدید کہنے کے لیے 9 مہینے انتظار کیا ہے۔

کرن اشفاق نے بیٹی کی تاریخ پیدائش اور نام بتاتے ہوئے کہا کہ ہمارے ہاں گزشتہ روز 5 اکتوبر کو بیٹی کی پیدائش ہوئی جس کا نام “خدیجہ علی” رکھا ہے۔

View this post on Instagram

A post shared by Kiran Ashfaque Hussein Dar (@kiranashfaquehusseindar)

حمزہ علی چوہدری نے اپنی انسٹاگرام اسٹوری میں اپنی ننھی پری کی پہلی جھلک بھی دکھائی، تصویر میں کرن اشفاق کی ساس نے اُن کی نومولود بیٹی کو گود میں لیا ہوا تھا۔

شوبز شخصیات اور مداحوں کی جانب سے کرن اشفاق کو بیٹی کی پیدائش پر مبارکباد دینے اور نیک خواہشات کا اظہار کرنے کا سلسلہ جاری ہے۔

یاد رہے کہ عمران اشرف اور کرن اشفاق 2018 میں رشتہ ازدواج میں منسلک ہوئے تھے اور سال 2020 میں اُن کے ہاں بیٹے روہام کی پیدائش ہوئی تھی۔

مزید پڑھیں: عمران اشرف کی سابقہ اہلیہ کرن اشفاق کے حمل کی خبریں سرگرم

کرن اشفاق اور عمران اشرف کے درمیان نومبر 2022 میں طلاق ہوگئی تھی اور طلاق کے تقریباََ ایک سال بعد دسمبر 2023 میں کرن نے پاکستان پیپلز پارٹی (پی پی پی) کے فوکل پرسن اور سیاسی مشیر حمزہ علی چوہدری سے دوسری شادی کرلی تھی۔