سندھ ہائی کورٹ کے حکم پر تشکیل دیے گئے میڈیکل بورڈ نے آسٹریلن بھیڑوں کی تلفی روکنے کی سفارش کردی ہے۔
میڈیکل بورڈ نے آسٹریلیا سے درآمد کیے گئے بھیڑوں کے معائنے کیلئے خون کے نمونے حاصل کیے تھے۔ بورڈ کی رپورٹ کے مطابق بھیڑوں میں انتھراکس کے جراثیم نہیں پائے گئے جس کی بنا پر یہ سفارش کی گئی۔
اس سے قبل آسٹریلین بھیڑوں کی تلفی روکنےسےمتعلق دائرپٹیشن کی سماعت پرجسٹس مقبول باقر اور جسٹس نعمت علی پرمشتمل بینچ نے میڈیکل بورڈتشکیل دینے کاحکم دیاتھا۔ عدالت نے میڈیکل بورڈ تشکیل دیتے ہوئے ہدایت کی تھی کہ آسٹریلوی بھیڑوں کا معائنہ کرنے کے ساتھ ساتھ بیمار بھیڑوں کو فوری طور پر ذبح کردیا جائے۔