قومی ٹیم کے کپتان شان مسعود نے چار سال بعد ٹیسٹ فارمیٹ میں سنچری بنا لی جبکہ بحیثیت کپتان انکی پہلی سنچری ہے۔

انگلینڈ کے خلاف ملتان ٹیسٹ میچ میں کپتان شان مسعود نے کیریئر کی 11ویں سنچری بنائی جس میں 10 چوکے اور 2 چھکے شامل تھے۔

شان مسعود نے 28 اننگز پہلے انگلینڈ کے خلاف 2020 میں سنچری بنائی تھی۔

مزید پڑھیں: ملتان ٹیسٹ؛ انگلینڈ نے پلئینگ الیون کا اعلان کردیا

اس کے علاوہ، شان مسعود تیز ترین سنچری بنانے والے پاکستان کے دوسرے ٹیسٹ کپتان بھی بن گئے، انہوں نے 102 گیندوں کا سامنا کرتے ہوئے سنچری بنائی۔

اس سے قبل، سال 2014 میں سابق کپتان مصباح الحق نے آسٹریلیا کے خلاف 56 گیندوں پر تیز ترین سنچری اسکور کی تھی۔