- پاکستان چینی شہریوں اوراداروں کی حفاظت کیلیے موثر اقدامات کرے، چینی وزارت خارجہ
- ن لیگ کے ساتھ الائنس کا پیپلزپارٹی کو سیاسی نقصان ہوا، گورنر پنجاب
- لبنان میں پھنسے پاکستانیوں کو غیرملکی پرواز سے وطن لانے کا فیصلہ
- کراچی واقعے کے ذمہ داروں کو کیفرکردار تک پہنچائیں گے، وزیراعظم کی یقین دہانی
- ایف آئی اے کی کارروائی؛ جعلی دستاویزات پر سفر کرنے والامسافر گرفتار
- اسرائیلی جارحیت کا ایک سال: کراچی میں سیکڑوں مقامات پر فلسطینیوں سے اظہار یکجہتی
- اسلام آباد سے گرفتار خیبرپختونخوا کے اراکین اسمبلی کے پروڈکشن آرڈر جاری
- کراچی کا پارہ 3 ڈگری بڑھ گیا، کل 39 تک جانے کا امکان
- رانی پورزیادتی و ہلاکت کیس؛ ’’ ہمیں دھمکایا گیا اور ڈرا کر صلح نامہ پر دستخط کرائے‘‘ والدین
- سائٹ میں نئی بھرتیوں سے متعلق اطلاعات غلط ہیں،ایم ڈی
- مودی سرکار فرقہ وارانہ کشیدگی کو ہوا دے رہی ہے؛ راہول گاندھی
- پنجاب حکومت کا لاہور میں 7 سے 9 نومبر یوتھ فیسٹیول کرانے کا اعلان
- اسرائیل میں غزہ پر حملوں کی تقریب پر حماس کے راکٹ حملے؛ تصاویر وائرل
- کراچی؛ بیوی نے فائرنگ کرکے شوہر کو قتل کردیا
- نوکری کے لیے بھیجی گئی درخواست 48 برس بعد واپس موصول
- ایم این اےسہیل سلطان کیخلاف ریفرنس،اسپیکر کا کارروائی کیلیےالیکشن کمیشن کو خط
- یواے ای؛ دفتر میں خاتون ساتھی کا گال چھونے پر ملازم پر 10 ہزار درہم جرمانہ
- اے این ایف کی گہرے سمندر میں کارروائی، 60 کلوگرام آئس تحویل میں لے لی
- پی پی ایل کا تیل کی ایکسپلوریشن کیلئے عراقی کمپنی سے معاہدہ
- دہشتگردی کے مقدمے میں اعظم سواتی کا 3 روزہ جسمانی ریمانڈ منظور
فلسطین پر آواز اٹھانے کیلیے ماہرین کی کمیٹی بناکر دنیا کے اہم دارالخلافوں میں بھیجیں گے، وزیراعظم
اسلام آباد: وزیراعظم شہباز شریف نے کہا ہے کہ اسرائیل نے فلسطین میں جو ظلم و بربریت مچایا وہ کبھی انسانی آنکھ نے نہیں دیکھا، جس انداز سے معصوم شہریوں کو قتل کیا جارہا ہے اُس پر عالمی قوتیں بھی خاموش ہیں، فلسطین پر آواز اٹھانے کیلیے ماہرین کا ایک گروپ بنا کر دنیا کے اہم ممالک میں بھیجیں گے۔
وزیراعظم نے فلسطینیوں سے اظہار یکجہتی کے حوالے سے منعقدہ تقریب سے خطاب کے آغاز میں آل پارٹیز کانفرنس کے انعقاد پر صدر مملکت جبکہ شرکت پر تمام سیاسی اور مذہبی جماعتوں کے قائدین کا شرکت پر بھی شکریہ ادا کیا۔ انہوں نے کہا کہ جب بھی کسی اندرونی اور بیرونی چیلینج کا سامنا ہوا تو ساری سیاسی اور مذہبی قیادت اکھٹی ہوئی اور ٹھوس تجاویز پیش کر کے عملی جامہ پہنانے کیلیے بھرپور تعاون کیا، آج کا دن بھی اُس کی روشن مثال ہے۔
انہوں نے کہا کہ اے پی سی میں ہونے والی تقاریر میں عقل و دانش اور جذبات شامل ہیں، میں نے سب کی باتوں کو غور سے سُنا، یہ اجتماعی سوچ اور فکر میرے اور ہم سب کیلیے بہت حوصلہ افزا ہے۔
وزیراعظم نے کہا کہ یہاں پر بہت اہم باتیں ہوئیں، بالخصوص فلسطین کے حوالے سے عالمی دنیا کے کردار اور عالم اسلام کو آگے بڑھ کر مدد کا تذکرہ کیا گیا، اسی کے ساتھ قائد اعظم کے فرمان یا 1940 میں قرارداد پاکستان کی باتوں کی تائید نہیں کرنی چاہیے بلکہ فلسطین کی آزاد ریاست کی بات کرنی چاہیے۔
مزید پڑھیں: فلسطین پر آل پارٹیز کانفرنس، اسرائیل کیخلاف اسلامی ممالک کو ایک پلیٹ فارم پر لانے کا مطالبہ
انہوں نے کہا کہ آج اجلاس کے بعد جو قرارداد متفقہ طور پر پیش کی جائے تو میری خواہش ہے کہ اُس میں فلسطین کی آزادی اور القدس شریف دارالخلافہ ہونا چاہیے، چاہے نگراں حکومت تھی یا آج کی مخلوط حکومت، کوئی بھی پاکستانی بدترین ظلم و ستم اور خونریزی جسے کسی انسانی آنکھ نے دیکھا نہ سُنا، بچے، مائیں شہید ہوئیں اور شہروں کے شہر تباہ ہوئے۔
انہوں نے کہا کہ کشمیر میں بھی یہی صورت حال ہے اور وہاں کی وادی بھی کشمیریوں کے لہو سے سرخ ہوچکی ہے۔ میں پوچھتا ہوں کہ کیا مسلمانوں کا خون سستا ہے؟ آج عالمی ضمیر کو 42 ہزار شہادتوں کے بعد جاگنا چاہیے ، آج وقت آگیا ہے کہ تمام قوتیں جمع ہوکر اس خونریزی کو بند کروائیں۔
شہباز شریف نے کہا کہ فلسطین میں ہونے والی خونریزی کو بند کروانا ہماری اولین ترجیح ہے، اس کے لیے اسلامی تعاون تنظیم کا پلیٹ فارم ہے، آج ہی ماہرین کا ایک گروپ بنائیں گے جو سیر سپاٹے کیلیے نہیں بلکہ مسئلہ فلسطین کو دنیا کے اہم درالخلافوں میں جاکر پاکستان اور عالم اسلام کا پیغام پہنچائیں گے۔
یہ بھی پڑھیں: اسرائیل 7 اکتوبر اور یرغمالیوں کے نام پر فلسطین، لبنان اور مصر پر قبضہ کرنا چاہتا ہے، بلاول
انہوں نے کہا کہ اراکین دنیا کو جاکر بتائیں گے کہ یہ زخم رہتی دنیا تک بھر نہیں سکیں گے اور دنیا کے سامنے ظلم کو بے نقاب کریں گے۔ انہوں نے کہا کہ اقوام متحدہ کے اجلاس میں فلسطین کی نمائندگی کی کوشش کی، پھر جب نیتن یاہو آیا تو ہم نے واک آؤٹ کیا، جیسے ہی وہ ایوان میں آیا ہمارے پورے وفد نے واک آؤٹ کیا۔
وزیراعظم کا مزید کہنا تھا کہ فلسطین میں فوری طور پر جنگ بندی ہونی چاہیے اور اس کے لیے ہم اسلامی ممالک کے ساتھ ملکر آواز اٹھائیں گے، ہمیں آئی ایم ایف کے ساتھ معاہدے کو نہیں دیکھنا چاہیے، خدشہ تھا کہ اقوام متحدہ میں فلسطین کاز پر آواز اٹھانے کی وجہ سے ہمیں کوئی سزا ملی تو ہم اُسے پورا کریں گے۔
یہ بھی پڑھیں: اسلامی ممالک کے پاس ایک قوت موجود ہے اسرائیل کیخلاف استعمال آج نہیں تو کب کرینگے؟ نواز شریف
انہوں نے کہا کہ ملک سے غربت ختم کر کے اور قوم کو متحد کریں گے تو پھر دنیا ہماری بات سنے گی۔ وزیراعظم نے کہا کہ فلسطینیوں کیلیے امدادی سامان میں اضافہ کیا اور مستقبل میں بھی حصہ ڈالیں گے۔ وزیراعظم نے مزید کہا کہ کانفرنس میں تجویز آئی جس کی روشنی میں مستقبل میں فلسطینی طالب علموں کے داخلے میں اضافہ کیا جائے گا، سرکاری یونیورسٹیز میں انہیں داخلے دیے جائیں گے۔
شہباز شریف نے آل پارٹیز کانفرنس کے انعقاد کو کامیاب قرار دیتے ہوئے دعا کی کہ فلسطین میں قتل عام اور خونریزی بند ہو، جلد جنگ بندی ہو اور پاکستان سمیت تمام عالم اسلام کے ممالک فلسطینیوں کے لیے کردار ادا کریں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔