علم الاعداد کی روشنی میں آپ کا یہ ہفتہ
صائم المصطفے صائم
واٹس اپ (0333-8818706)
فیس بک (Saim Almustafa Saim)
علمِ الاعداد سے نمبر معلوم کرنے کا طریقہ:
دو طریقے ہیں اور دونوں طریقوں کے نمبر اہم ہیں۔
اول تاریخ پیدائش دوم نام سے!
اول طریقہ تاریخ پیدائش:
مثلاً احسن کی تاریخ پیدائش 12۔7۔1990 ہے۔
ان تمام اعداد کو مفرد کیجیے، یعنی باہم جمع کیجیے:
1+2+7+1+9+9=29
29 کو بھی باہم جمع کریں (2+9) تو جواب 11 آئے گا۔
11 کو مزید باہم جمع کریں (1+1)
تو جواب 2 آیا یعنی اس وقت تک اعداد کو باہم جمع کرنا ہے جب تک حاصل شدہ عدد مفرد نہ نکل آئے۔ پس یعنی آپ کا لائف پاتھ عدد/نمبر ہے۔
گویا تاریخ پیدائش سے احسن کا نمبر 2 نکلا۔
اور طریقہ دوم میں:
سائل، سائل کی والدہ، اور سائل کے والد ان کے ناموں کے اعداد کو مفرد کیجیے
مثلاً نام ''احسن '' والدہ کا نام '' شمسہ'' والد کا نام '' راشد۔''
حروفِ ابجد کے نمبرز کی ترتیب یوں ہے:
1 کے حروف (ا،ء ،ی،ق،غ) ، 2 کے حروف (ب،ک،ر) ، 3 کے حروف (ج،ل،ش) ، 4 کے حروف (د،م،ت) ، 5 کے حروف(ہ،ن،ث) ، 6 کے حروف (و،س،خ) ، 7 کے حروف (ز،ع،ذ) ، 8 کے حروف (ح،ف،ض) ، 9 کے حروف (ط،ص،ظ) ، احسن کے نمبر (1،8،6،5)
تمام نمبروں کو مفرد کردیں:(1+8+6+5=20=2+0= 2 )
گویا احسن کا نمبر2 ہے۔ایسے ہی احسن کی والدہ ''شمسہ'' کا نمبر9 اور والد راشد کا نمبر1 بنتا ہے۔
اب ان تینوں نمبروں کا مفرد کرنے پر ہمیں احسن کا ایکٹیو یا لائف پاتھ نمبر مل جائے گا:
(2+9+1=12=1+2=3)
گویا علم جفر کے حساب سے احسن کے نام کا نمبر 3 نکلا!
علم الاعداد کی روشنی میں آپ کا یہ ہفتہ
پیر 7تا 13 اکتوبر 2024
پیر7 اکتوبر 2024
آج کا حاکم عدد 9 ہے۔ پھرتی اور بہادری اسی حالت میں مناسب اور ٹھیک ہے اگر اس سے کسی کی حق تلفی نہیں ہورہی آج اس پر توجہ مرکوز رہے تو بہتر ہے۔ آپ کی تاریخ پیدائش میں اگر 1،2،3،5،6 اور7خصوصاً 6 کا عدد یا پیدائش کا دن جمعہ ہے یا نام کا پہلا حرف و،خ یا س ہے تو آج کا دن آپ کے لیے بہتر دن ہوسکتا ہے۔ لیکن اگر آپ کی تاریخ پیدائش میں 4،8 اور9 خصوصاً 8 کا عدد یا پیدائش کا دن ہفتہ ہے یا نام کا پہلا حرف ح،ف یا ض ہے تو آپ کے لئے اہم اور کچھ مشکل بھی ہوسکتا ہے۔
آج کا صدقہ: کسی کی غلطی معاف کرنا بھی صدقہ ہے 20 یا 200 روپے، سفید رنگ کی چیزیں، کپڑا، دودھ، دہی، چینی یا سوجی کسی بیوہ یا غریب خاتون کو بطورِصدقہ دینا ایک بہتر عمل ہوگا۔ آج کا وردِخاص، ''یارحیم، یارحمٰن، یااللّہ'' 11 بار، اول وآخر ایک بار درود شریف پڑھنا بہتر ہوگا اسے کم از کم 11 بار لکھیں پھر اثرات ملاحظہ کیجیے!
منگل 8 اکتوبر 2024
آج کا حاکم عدد 8 ہے۔ سکون و بے سکونی کا یک جا ہونا امنِ عالم کے لیے مناسب علامت نہیں ہے ، توازن مشکل ہوسکتا ہے حادثہ اسی صورت ہوتا ہے جب ہم اپنا اور دوسرے کا بھلا نہیں سوچتے۔ اگر آپ کی تاریخ پیدائش میں 2،3،4،6،7 اور8 خصوصاً 7 کا عدد ہے یا آپ کی پیدائش کا دن پیر ہے یا نام کا پہلا حرف ز،ع یا ذ ہے تو آپ کے لیے آج کا دن کافی حد تک بہتری لائے گا۔ لیکن اگر آپ کی تاریخ پیدائش میں 1،5 اور9 خصوصاً 5یا پیدائش کا دن بدھ ہے یا نام کا پہلا حرف ہ،ن یا ث ہے تو آپ کے لئے کچھ مشکل ہوسکتی ہے۔
آج کا صدقہ: صبروتحمل کو مضبوطی سے تھامیں، آپ کی آزمائش کا دن ہے، غصہ پی جائیں یہ بہترین صدقہ اور تدبیر ہے۔ 90 یا 900 روپے، سرخ رنگ کی چیزیں ٹماٹر، کپڑا، گوشت یا سبزی کسی معذور سیکیوریٹی سے منسلک فرد یا اس کی فیملی کو دینا بہتر عمل ہوگا۔ آج کا وردِخاص،''یاغفار، یاستار، استغفراللّہ العظیم'' 13 بار اول وآخر1 بار درودشریف پڑھنا بہتر ہوگا۔ اسے 13 بار لکھنے سے نتائج سوفی صد آپ کے حق میں ہوں گے۔
بدھ 9 اکتوبر 2024
آج کا حاکم عدد 5 ہے۔ سفر، میل ملاقات اور مطالعے کے لیے کی گئی کوششیں اچھے نتائج لاسکتی ہیں روابط کو بڑھانے کے لیے بہتر دن ہے۔ 1،2،5،6،7اور9 خصوصاً1کا عدد یا پیدائش کا دن اتوار ہے یا نام کا پہلا حرف ا،ی یا غ ہے تو آپ کے لیے آج دن کافی بہتر ہوسکتا ہے۔ لیکن اگر آپ کی تاریخ پیدائش میں 3،4 اور8 خصوصاً 8 یا پیدائش کا دن ہفتہ یا نام کا پہلا حرف ح،ف یا ض ہے تو کچھ معاملات میں رکاوٹ اور پریشانی کا اندیشہ ہے۔
آج کا صدقہ: ہوسکتا ہے کوئی آپ سے اپنی غلطی پر معذرت خواہ ہو ایسا ہو تو درگزر سے کام لینا بھی صدقہ ہے۔ زرد رنگ کی چیزیں یا 50 یا 500 روپے کسی مستحق طالب علم یا تیسری جنس کو دینا بہتر ہے، تایا،چچا، پھوپھی کی خدمت بھی صدقہ ہے۔ آج کا وردِخاص،''یاخبیرُ، یاوکیلُ، یااللّہ'' 5 بار اول و آخر 1 بار درودشریف پڑھنا مناسب عمل ہوگا ان اسمائے الٰہیہ کو 5 بار لکھنا آپ کے لیے سعادتوں کے سو فی صد دروازے کھول دے گا۔
جمعرات 10 اکتوبر 2024
آج کا حاکم عدد 4 ہے۔ غیرمتوقع مسائل و وسائل لانے والا دن، ایسے واقعات کہ جن کا گمان تک نہ ہو وقوع پذیر ہوسکتے ہیں۔ ایسے ہی آپ سے وابستہ کسی فرد کا رویہ بھی آپ کو حیرت میں ڈال سکتا ہے۔ اگر آپ کی تاریخ پیدائش میں 1،2،3،6،7 اور8 خصوصاً 2 کا عدد یا پیدائش کا دن پیر ہے یا نام کا پہلا حرف ب،ک یا ر ہے تو آپ کے لیے بہتر دن ہے۔ لیکن اگر آپ کی تاریخ پیدائش میں 4،5 اور9 خصوصاً 9 کا عدد یا پیدائش کا دن منگل ہے یا نام کا پہلا حرف ص،ط یا ظ ہے تو اندیشہ ہے کہ کچھ امور میں آپ کو مشکل ہوسکتی ہے۔
آج کا صدقہ: میٹھی چیز، 30 یا 300 روپے کسی مستحق نیک شخص کو دینا بہتر عمل ہوسکتا ہے۔ مسجد کے پیش امام کی خدمت بھی احسن صدقہ ہے۔ آج کا وردِخاص، سورۂ فاتحہ کی تین بار تلاوت یا ''یاقدوس، یاوھابُ، یااللّہ'' 3 بار اول و آخر 1 بار درودشریف پڑھنا بہتر عمل ہوگا۔ اللّہ ان پاک ناموں کو تین بار لکھیں۔
جمعہ 11 اکتوبر 2024
آج کا حاکم عدد 8 ہے۔ مشکل یا رکاوٹ کی وجہ دو میں سے ایک ہوتی ہے یا تو اس کام کا ہونا ہمارے لیے ٹھیک نہیں ہوتا یا فی الحال اس میں صبر اور مزید محنت کی ضرورت ہوتی ہے۔ اگر آپ کی تاریخ پیدائش میں 2،3،4،6،7 اور8 خصوصاً 7 کا عدد یا پیدائش کا دن پیر ہے یا نام کا پہلا حرف ز،ع یا ذ ہے تو آپ کے لئے بہتری کی امید ہے۔ لیکن اگر آپ کی تاریخ پیدائش 1،5 اور9 کا عدد خصوصاً 5 یا پیدائشی دن بدھ یا جن کے نام کا پہلا حرف ہ،ن یا ث ہے تو آپ کو محتاط رہنے کا مشورہ ہے۔
آج کا صدقہ: کسی سے میٹھے بول اور نرم لہجہ بھی صدقہ ہے۔ 60 یا 600 روپے یا 600 گرام یا6 کلو چینی، سوجی یا کوئی جنس کسی بیوہ کو دینا بہترین عمل ہوسکتا ہے۔ آج کا وردِخاص، سورۂ کہف ایک بار اور ''یاودود، یامعید، یااللّہ'' 11 بار ورد کرنا بہتر ہوگا۔ اول و آخر ایک بار درود شریف لازم پڑھ لیں۔ ان اسمائے الٰہی کو تین بار لکھیں۔
ہفتہ 12اکتوبر 2024
آج کا حاکم عدد 2 ہے۔ مکان یا عمارت کی تعمیر کے لیے بہتر دن ہے۔ زمین سے وابستہ کاموں میں بہتری کی امید ہے۔ ذرا تحمل اور پرسکون ہوکے کئے گئے کام بہتر نتائج لائیں گے۔ اگر آپ کی تاریخ پیدائش میں 1،3،45،8 اور9 خصوصاً 4 کا عدد یا پیدائشی دن اتوار یا نام کا پہلا حرف م،ت یا دہے تو آپ کے لئے ایک اچھا دن ہوسکتا ہے۔ لیکن اگر آپ کی تاریخ پیدائش میں 2،6 اور7 خصوصاً 2 کا عدد یا پیدائشی دن پیر یا نام کا پہلا حرف ب،ک یا ر ہے تو آپ کو محتاط رہنے کا مشورہ ہے۔
آج کا صدقہ: صبر اور خاموشی بہترین تدبیر ہے۔ لمبے عرصے کی منصوبہ بندی کے لیے سازگار وقت ہے۔ 80 یا800 روپے یا کالے رنگ کی چیزیں کالے چنے، کالے رنگ کے کپڑے سرسوں کے تیل کے پراٹھے کسی معذوریا عمررسیدہ مستحق فرد کو دینا بہتر عمل ہوسکتا ہے۔ آج کا وردِخاص، کمی رزق کی ہو، سکون کی ہو یا راحتوں کی اس وردخاص کو اپنالیں ان شاء اللّہ بند دروازے کھل جائیں گے، ''یافتاح، یاوھابُ، یارزاق یااللّہ'' 8 بار اول و آخر 1 بار درودشریف کا ورد بہتر عمل ہوگا۔ تین بار لکھنا اس کے فوائد کو کئی گنا بڑھادے گا۔
اتوار13 اکتوبر 2024
آج کا حاکم عدد 5 ہے۔ 13 کا عدد اتوار کے روز اور حاکم عدد 5 تخت نشینوں کے لیے اسکینڈل اور مشکلات لاسکتا ہے۔ حادثہ یا خرابی ہوسکتی ہے۔ حکم راں طبقے کے لیے مشکل ہوسکتی ہے اگر آپ کی تاریخ پیدائش میں 1،2،5،6،7 اور9 خصوصاً1 کا عدد یا جن کا پیدائشی دن اتوار ہے یا نام کا پہلا ا،ی یا غ ہے تو آپ کے لیے ایک اچھے دن کی امید ہے۔ لیکن اگر آپ کی تاریخ پیدائش میں 3،4 اور8 خصوصاً 8 عدد یا جن کا پیدائشی دن ہفتہ ہے یا نام کا پہلا حرف ح،ف یا ض ہے تو آپ کے لیے کچھ مشکل ہوسکتی ہے۔
آج کا صدقہ: 13 یا 100 روپے یا سنہری رنگ کی چیزیں گندم، پھل، کپڑے، کتابیں یا کسی باپ کی عمر کے فرد کی خدمت کرنا بہتر ہوگا۔ آج کا وردِخاص،''یاحی، یاقیوم، یااللّہ'' 13 اول و آخر 1بار درودشریف پڑھنا مناسب عمل ہوگا۔ اسے 13بار لکھنا بہتر ہوگا۔