امینڈا سفرائیڈ کی فلم ’’ دی بگ ویڈنگ‘‘ 26 اکتوبر کو ریلیزہو گی

فلم میں رابرٹ ڈی نیرو اور ڈیان کیٹن مرکزی کردار ادا کر رہے ہیں۔ فوٹو: فائل

---

ہالی وڈ کی مزاحیہ فلم ''دی بگ ویڈنگ'' کا ٹریلر جاری کر دیا گیا۔

فلم میں رابرٹ ڈی نیرو اور ڈیان کیٹن مرکزی کردار ادا کر رہے ہیں۔وہ ایک طلاق یافتہ جوڑے کے روپ میں ہیں جنھیں اپنے لے پالک بیٹے کی شادی کی وجہ سے اکٹھا ہونا پڑتا ہے۔

اچانک انھیں علم ہوتا ہے کہ ا ن کے بیٹے کی اصل ماں بھی شادی میں شرکت کے لیے آ رہی ہے جو ایک قدامت پسند عورت ہے اور یہیں سے سب خرابیاں شروع ہو جاتی ہیں۔ فلم میں اداکارہ امینڈا سفرائیڈ، سوسن سرنڈن، کیتھرین ہیجل اور روبن ولیمز نے اہم کردار ادا کیے ہیں۔ فلم رواں برس 26 اکتوبر کو ریلیز کی جائے گی۔