اے آئی ٹیکنالوجی ہنگامی صورتحال سے نمٹنے کیلئے تیار نہیں محققین
طبی ماہرین کے لیے پیغام ہے کہ وہ ان اے آئی ماڈلز پر اندھا اعتماد نہ کریں، سرکردہ محقق
ایک نئی تحقیق میں پایا گیا ہے کہ اے آئی ٹیکنالوجی ابھی اسپتال کے ایمرجنسی روم میں کردار ادا کرنے کیلئے تیار نہیں ہے۔
چیٹ جی پی ٹی ممکنہ طور پر کچھ مریضوں کے لیے غیر ضروری ایکس رے اور اینٹی بائیوٹکس تجویز کرسکتی ہے جبکہ دوسروں کواسپتال میں داخل کرنے کا مشورہ دے سکتی ہے جنہیں علاج کی ضرورت نہیں ہوگی۔
محققین نے اپنے نتائج نیچر کمیونیکیشنز کے جریدے میں رپورٹ کیے ہیں۔
یونیورسٹی آف کیلیفورنیا، سان فرانسسکو کے پوسٹ ڈاکٹریٹ اسکالر اور سرکردہ محقق کرس ولیمز نے کہا کہ یہ طبی ماہرین کے لیے ایک قیمتی پیغام ہے کہ وہ ان اے آئیماڈلز پر اندھا اعتماد نہ کریں۔
ولیمز نے نیوز ریلیز میں مزید کہا کہ چیٹ جی پی ٹی طبی امتحان کے سوالات کے جوابات دے سکتا ہے اور کلینیکل نوٹس تیار کرنے میں مدد کر سکتا ہے لیکن یہ فی الحال ایسے حالات کے لیے ڈیزائن نہیں کیا گیا ہے جس میں ایک سے زیادہ پہلوؤں پر غور و فکر کی ضرورت ہوتی ہے جیسے کہ ایمرجنسی ڈیپارٹمنٹ کے حالات۔