انتظار پنجوتھا لاپتا بار کونسل کو مبارکباد ہے وکلا کی ٹکے کی عزت نہیں چھوڑی فواد چوہدری

(فوٹو: اسکرین گریب)

---

سابق وفاقی وزیر فواد چوہدری کبھی ایسا سوچا نہیں تھا کہ وکیلوں کے ساتھ ایسا سلوک ہوگا، انتظار ترین پنجوتھا بڑا شریف آدمی اور وہ بھی مسنگ ہوگئے، بار کونسل کو مبارکباد دیتا ہوں کہ ٹکے کی عزت نہیں چھوڑی وکیلوں کی۔

اسلام آباد ہائی کورٹ میں میڈیا سے گفتگو کرتے ہوئے انہوں ںے کہا کہ صبح سے خبریں چل رہی ہیں کہ انتظار حسین پنجوتھا جو پی ٹی آئی کے لیگل ٹیم کے ممبر ہیں وہ مسنگ ہیں، میں بار کونسل کو مبارکباد دیتا ہوں کہ ٹکے کی عزت نہیں چھوڑی وکیلوں کی، کبھی ایسا سوچا نہیں تھا کہ وکیلوں کے ساتھ ایسا سلوک ہوگا، انتظار ترین پنجوتھا بڑا شریف آدمی ہے اس نے کبھی ایسی بات نہیں کی۔

انہوں نے کہا کہ مولانا فضل الرحمان کے ذمہ دارانہ کردار کی وجہ سے آئینی ترمیم کا معاملہ ٹل گیا، پانچوں ہائیکورٹ میں ایک رٹ پٹیشن آئی ہے کہ آئینی ترمیم کو روکا جائے، آٹھ ہفتے کا ڈرافٹ پبلک کرائیں اور اس پہ ڈیبیٹ کرائیں، رول کہتا ہے کہ جب بھی کوئی بل آئے گا اس پہ 8 ہفتے ڈیبیٹ ہوگی۔

فواد چوہدری نے مزید کہا کہ پی ٹی آئی ایم بڑی سیاسی قوت ہے جس کو دھاندلی سے باہر کیا گیا، وکلا کی تحریک شروع ہونی ہی ہونی ہے۔