پرویز الہی نے کرپشن کیس میں نیب ریکوری کو جھوٹی خبر قرار دے دیا

 لاہور: مرکزی صدر پاکستان تحریک انصاف چودھری پرویزالٰہی کا نیب کی جانب سے جاری کردہ خبر پر سخت ردعمل سامنے آگیا۔

چودھری پرویزالٰہی نے بیان میں کہا کہ آج نیب نے من گھڑت اور جھوٹی خبر چلائی ہے، سیکڑوں سرکاری ملازمین کو اغوا کر کے مار پیٹ کر کے پلی بارگین کی گئی ہے۔

چودھری پرویزالٰہی کا کہنا تھا کہ انہوں نے جو پیسے دیے ہیں ان کو میرے ساتھ خوامخواہ منسلک کیا جا رہا ہے، یہ سارا جھوٹ کا پلندا ہے، نہ تو میں نے کرپشن کی ہے اور نہ ہی میں نے کوئی پلی بارگین کی ہے۔

نیب کی پرویز الہی کرپشن کیس میں کروڑوں روپے کی ریکوری

چودھری پرویزالٰہی نے مزید کہا کہ میرے خلاف 25 جعلی کیس بنے، یہ مزید 25 کیس اور بھی بنا لیں میں عمران خان کے ساتھ ہوں اور رہوں گا انشاء اللہ۔