- امریکا میں نامناسب لباس پر خواتین مسافروں کو طیارے سے اتار دیا گیا
- ویمنز ٹی 20 ورلڈ کپ: جنوبی افریقا کی اسکاٹ لینڈ کو 80 رنز سے شکست
- بلوچستان؛ ایف سی کی چوکی پر حملہ ناکام، سیکیورٹی اہلکار شہید اور دو دہشت گرد ہلاک
- وفاقی کابینہ کا خصوصی اجلاس کل طلب
- پی ٹی ایم کو جرگہ کے نام پر متوازی عدالت کی کسی صورت اجازت نہیں دینگے، وزیر داخلہ
- ترک ایئرلائن کا پائلٹ دورانِ پرواز دل کے دورے کے سبب ہلاک؛ ہنگامی لینڈنگ
- جامعہ کراچی میں سہولیات کے فقدان پر طلبا کا احتجاج، سڑک بند کردی
- وزیراعلیٰ پنجاب مریم نواز نے انٹرن شپ پروگرام کلائمنٹ ریزیلنٹ لیڈر شپ لانچ کردیا
- زرعی آمدن پریکم جولائی 2025 سے ٹیکس وصول کیا جائے گا، وفاقی وزیرخزانہ
- پی ٹی آئی کا آئینی ترامیم پر مولانا فضل الرحمان سے ایک بار پھر رابطہ
- پشاور ہائیکورٹ میں آئینی ترامیم کے خلاف درخواست کل سماعت کیلیے مقرر
- سندھ ہائیکورٹ؛ پی ٹی آئی کا باغ جناح میں جلسے کا معاملہ، ڈی سی اور ایس ایس پی کو نوٹس جاری
- ملتان ٹیسٹ؛ تیسرے دن کا کھیل ختم، انگلینڈ کی پاکستان کیخلاف پوزیشن مستحکم
- کراچی کے سب سے بڑے سرکاری اسپتال میں کینسر کی دوائیں ختم
- امریکا کا دشمن نمبر ایک چین نہیں ایران ہے؛ کملا ہیرس
- ایشیائی ترقیاتی بینک کی پاکستان کو مسلسل تعاون کی یقین دہانی
- زرعی آمدن پر یکم جولائی 2025 سے ٹیکس وصول کیا جائے گا، وفاقی وزیر خزانہ
- بیرونی قرضوں پر انحصار سے نکلنے کیلئے معیشت کا ڈی این اے بدلنا ضروری ہے، وزیرخزانہ
- پی ٹی آئی کو پنجاب میں احتجاج کیلیے کے پی سے سرکاری بندوں کو لانا پڑتا ہے، مریم نواز
- حزب اللہ کے راکٹ حملے میں 2 اسرائیلی ہلاک؛ متعدد زخمی
زہر دینے کی خبروں اور خرابیٔ صحت سے متعلق شیر افضل مروت نے وِڈیو بیان جاری کردیا
پشاور: پی ٹی آئی رہنما شیر افضل مروت نے اپنی خرابیٔ صحت اور زہر دیے جانے سے متعلق خبروں پر وِڈیو بیان جاری کردیا۔
اپنے وِڈیو بیان میں شیر افضل مروت نے کہا کہ میری صحت کے حوالے سے سوشل میڈیا پر خبریں گردش کررہی ہیں اور حالیہ دھرنے اور احتجاجوں میں عدم شرکت کے حوالے سے میری بیماری کو بہانے کے طور پر بھی اجاگر کرنے کی بھی کوشش کی گئی ہے۔
انہوں نے کہا کہ اس حوالے سے میں ضروری سمجھتا ہوں کہ حقائق عوام کے سامنے رکھوں۔ میں نے ہمیشہ خان (بانی پی ٹی آئی) کی رہائی اور پاکستان میں جمہوریت و آئین کی بالادستی کے لیے احتجاج کی اہمیت پر زور دیا ہے۔
شیر افضل مروت کا کہنا تھا کہ مجھے آپ سب کے سامنے شرمندگی ہے کہ میری صحت نے عین اس وقت اجازت نہیں دی جب کارکنوں اور پاکستانیوں نے ہمت باندھی۔ خدا کی قسم پاکستانیوں کی یہ ہمت دیکھنے کے لیے میری آنکھیں ترس گئی تھیں۔
تحریک انصاف کے رہنما نے کہا کہ 9 مئی کے بعد جس طرح قوم کو ڈرایا گیا تھا ، (اس کے بعد ) ڈی چوک پر دھرنے میں، لاہور جلسے میں اور پنڈی کے جلسے میں جس طرح عوام نے جرأت کا مظاہرہ کیا، یہی وہ خواب تھا جو میں نے دیکھا تھا۔
میں سب کو بتانا چاہتا ہوں کہ اسلام آباد پولیس نے جب غیر قانونی طور پر ہمیں اغوا کیا، گرفتار کیا، 8 دن ان کی تحویل میں رہے اور جب ضمانت کے بعد رہا ہوئے تو اس کے اگلے دن سے مجھے کورونا ہوگیا، جب اس سے جان چھوٹی تو انفلوئنزا اور پھر ٹائیفائیڈ نے گھیر لیا۔ بہت سی بیماریاں ہوئیں، اس سے نقاہت بھی ہوئی، وزن بھی 10 کلو کم ہوا اور لیور فنکشن ٹیسٹ بھی ٹھیک نہیں آیا۔
انہوں نے مزید کہا کہ زہر خورانی کے حوالے سے سوشل میڈیا پر باتیں گردش کررہی ہیں، میں سب کو بتا دوں کہ جو بیماریاں مجھے لاحق ہیں، وہ میں نے سب کو بتا دی ہیں۔ اور ان خبروں میں کوئی صداقت نہیں ہے کہ مجھے زہر دیا گیا ہے۔ اگرچہ میں نے ابھی ٹیسٹ کروائے ہیں، جن میں ایسے کوئی شواہد یا علامات نہیں ملیں۔ لیور فنکشن ٹیسٹ اور دیگر بیماریوں نے میرا حال خراب کیا ہے اور ان حالات میں مجھے دعاؤں کی ضرورت ہے۔
شیر افضل مروت نے کہا کہ میرا تمام پاکستانیوں سے وعدہ ہے کہ جس دن اللہ نے تھوڑی جان میں جان ڈالی، جس طرح 9 مئی کے بعد کسی ایک بھی جلسے، جلوس یا کنونشن کو میں نے نہیں چھوڑا، ان شا اللہ آپ سب کے سامنے کھڑا ہوں گا۔ اللہ کرے کہ قوم کے لیے، خان کے لیے اور پاکستان و جمہوریت کے لیے ہم کسی کام آ سکیں ، یہ ہماری سعادت ہوگی۔ مجھے اپنی دعاؤں میں یاد رکھیے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔