ممبئی: بھارت میں معروف صنعت کار رتن ٹاٹا کی آخری رسومات پورے سرکاری اعزاز کیساتھ ادا کرنے کا اعلان کیا گیا ہے۔
بھارتی میڈیا کے مطابق اس بات کا اعلان ریاست مہاراشٹر کے وزیرِ اعلیٰ ایکناتھ شندے نے کیا۔ انھوں نے آج یومِ سوگ منانے کا اعلان بھی کیا۔ وزیراعظم مودی آخری رسومات میں شرکت نہیں کریں گے۔
ریاست مہاراشٹر کے تحت ہونے والے تمام تفریحی پروگرامز کردیے گئے جب کہ پارلیمان اور سرکاری دفاتر سمیت اہم عمارتوں میں قومی پرچم سرنگوں رہیں گے۔
آخری دیدار کے لیے بھارتی پرچم میں لپٹی رتن ٹاٹا کی میت آج صبح سے شام تک ممبئی کے نیشنل سینٹر فار پرفارمنگ آرٹس میں رکھی رہے گی۔ بعد ازاں آخری رسومات ورلی میں ادا کی جائیں گی۔
نریندر مودی کے آسیان-انڈیا سربراہی اجلاس میں شرکت کے لیے لاؤس روانہ ہونے پر آخری رسومات میں شریک نہیں ہو سکیں گے۔ ان کی نمائندگی وزیرِ داخلہ امیت شاہ کریں گے۔
بھارت کے عالمی شہرت یافتہ صنعت کار رتن ٹاٹا 86 برس کی عمر میں مختصر علالت کے بعد انتقال کر گئے۔
رتن ٹاٹا 1991ء سے 2012 تک ٹاٹا سنز کے چیئرمین رہے جس کے دوران اس گروپ عالمی کامیابیاں سمیٹیں۔ انھیں دنیا کی سستی ترین گاڑی بنانے کا اعزاز بھی حاصل رہا۔