پاکستان کے خلاف انگلش بیٹرز جو روٹ اور ہیری بروک نے پارٹنرشپ کا نیا ریکارڈ قائم کردیا۔
ملتان میں کھیلے جارہے سیریز کے پہلے ٹیسٹ میچ کے چوتھے روز ریکارڈ 454 رنز کی شراکت داری قائم کرکے پاکستان کو مشکل صورتحال میں دھکیل دیا۔
جوروٹ 262 رنز بناکر آؤٹ ہوئے انکی اننگز میں 14 چوکے شامل تھے، ہیری بروک 317 رنز کی اننگز کھیلی جس میں انہوں نے 29 چوکے اور 3 چھکے لگائے۔
مزید پڑھیں: انگلینڈ پاکستان کیخلاف 800 یا اس سے زائد رنز بنانے والی پہلی ٹیم بن گئی
دونوں بیٹرز نے پاکستانی بالرز کا امتحان لیا اور وکٹ دینے سے گریز کیا۔
اس سے قبل انگلینڈ کی جانب سے پیٹر مے اور کولن کاوڈرے نے 411 رنز کی شراکت بنائی تھی، پیٹر مے اور کولن کاوڈرے نے 1957 میں ویسٹ انڈیز کے خلاف یہ شراکت قائم کی تھی۔
مزید پڑھیں: عامر سہیل، زینب عباس کی اشرافیہ سوچ۔۔ سوشل میڈیا پر کڑی تنقید
ٹیسٹ کرکٹ کی سب سے بڑی شراکت 624 رنز کی قائم ہوئی جو مہیلا جے وردنے اور کمار سنگا کارا نے 2006 میں جنوبی افریقا کے خلاف بنائی تھی۔