- کراچی: تیز آندھی کے باعث تاجر یونین کا صدر چھت سے گر کر جاں بحق
- معاشی بہتری کے ساتھ گاڑیوں کی فروخت میں بھی اضافہ
- جنسی اسکینڈل؛ ترکیہ کی خاتون فٹ بال ریفری اور سینیئر عہدیدار معطل
- یکم نومبرکے بعد نان فائلرز کے خلاف کارروائیاں شروع ہوں گی، ایف بی آر
- سیاسی جماعتوں کے ساتھ بات چیت 25 تاریخ کے بعد بھی جاری رہ سکتی ہے، شیری رحمان
- صدر مملکت آصف علی زرداری دو روزہ دورے پر ترکمانستان پہنچ گئے
- زرمبادلہ کے ذخائر میں 10 کروڑ 60 لاکھ ڈالر کا اضافہ
- ایئر پورٹ آﺅٹ سورسنگ، وزیراعظم کا بولی دہندہ کی شکایت پر نوٹس
- افغانستان پوری دنیا کے دہشت گردوں کے لیے محفوظ پناہ گاہ بن چکا
- مرکزی تنظیم تاجران پاکستان کا 5 آئی پی پیز کے معاہدے ختم کرنے کا خیرمقدم
- اسرائیلی فوج کی اسکول پر بمباری؛ 28 فلسطینی شہید اور 54 زخمی
- گوگل نے تصویر بنانے کے لیے جدید اے آئی ٹول متعارف کرا دیا
- امن کے لیے ہم نے اپنی سیاست قربان کرکے جانوں کے نذرانے دیے ہیں، ایمل ولی خان
- انٹربینک میں ڈالر کی پیش قدمی جاری، اوپن مارکیٹ میں قدر گرگئی
- انجمن تاجران کی ایس سی او کانفرنس میں سیکیورٹی انتظامات کیلئے مکمل تعاون کی یقین دہانی
- پنجاب کے 8 شہروں پر فوری طور پر دفعہ 144 نافذ
- آرٹیکل 63 اے پر نظرثانی کی 27ماہ بعد سماعت ہوئی جلد بازی کا الزام غلط ہے، تحریری فیصلہ
- کراچی میں جراثیم کش اسپرے نہ ہونے سے شہری مختلف امراض میں مبتلا، وبا پھوٹنے کا خدشہ
- بھارتی تاجروں کی پہلی بار ٹریلین ڈالرز کی تاریخی کمائی؛ گوتم اڈانی اوّل نمبر پر
- چینی وزیراعظم کے دورۂ پاکستان پر پارلیمنٹ کا مشترکہ اجلاس بلانے پر غور
اللہ کا شکر ہے، آئی پی پیز کے حوالے سے ہماری کوششیں کامیاب رہیں؛ ایس ایم تنویر
کراچی: وفاقی کابینہ کی منظوری کے بعد 5 آئی پی پیز کے ساتھ معاہدے ختم ہورہے ہیں جس کے لیے فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے پلیٹ فارم یونائیٹڈ بزنس گروپ (یو بی جی) نے اپنا کردار خوش اسلوبی کے ساتھ ادا کیا۔
یونائیٹڈ بزنس گروپ کے پیٹرن ان چیف ایس ایم تنویر نے کہا ہے کہ میں اللہ تعالیٰ کا شکر گزار ہوں کہ اس نے ہماری عاجزانہ مہم کو کامیاب بنایا اور ہمیں ملک کی تاجر برادری کی خدمت کرنے کا موقع دیا۔
انھوں نے بتایا کہ 107 انڈیپنڈنٹ پاور پروڈیوسر (آئی پی پی) کے ساتھ مسائل کو حل کرانے کی کوششیں بالآخر تکمیل کے قریب ہیں اور 5 آئی پی پیز معاہدے آج ختم ہو رہے ہیں۔
ایس ایم تنویر نے بتایا کہ اس کی منظوری کابینہ نے دیدی ہے جو ایک سنگ میل ہے۔ یہ آئی پی پیز کئی برسوں سے کم سے کم بجلی پیدا کرنے کے باوجود سالانہ 100 ارب روپے وصول کر رہی تھیں۔
ایس ایم تنویر نے کہا کہ ہم آئی پی پیز کے لیے بنائی گئی ٹاسک فورس کی کارکردگی کی تعریف کرتے ہیں، جس کی سربراہی وزیراعظم کے معاون خصوصی محمد علی نے کی تھی۔
ایس ایم تنویر نے کہا کہ اس ٹاسک فورس نے آئی پی پی کے معاہدوں پر نظرثانی کرکے پاکستان کی معاشی اور سماجی پائیداری کو یقینی بنایا ہے۔
یونائیٹڈ بزنس گروپ کے سربراہ ایس ایم تنویز نے مزید کہا کہ اس کا مطلب ہے کہ اب آئی پی پیز کو ادائیگی صرف اس بجلی کے لیے کی جائے گی جو اصل میں پیدا کی گئی اور پھر صارفین کو فراہم بھی کی گئی۔ جس سے ملک پر مالی بوجھ کم ہوگا۔
ایس ایم تنویر کے بقول موجودہ آئی پی پی معاہدوں میں “ٹیک یا پے” ماڈل کو بجلی کی طلب سے قطع نظر مستحکم آمدنی کی ضمانت دینے پر تنقید کا نشانہ بنایا جاتا رہا ہے کیوں کی اس کے نتیجے میں حکومت غیر استعمال شدہ بجلی کی ادائیگی کر رہی ہے، جس سے سرکلر ڈیٹ کے مسائل میں اضافہ ہوا۔
یونائیٹڈ بزنس گروپ کے سربراہ ایس ایم تنویر نے امید ظاہر کی کہ گفت و شنید کے ذریعے از سر نو آئی پی پی معاہدہ پاکستان کے توانائی کے شعبے کے چیلنجوں سے نمٹنے اور ملک کے مزید پائیدار مستقبل کو یقینی بنانے کی جانب ایک اہم قدم ثابت ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔