جعلی دستاویزات پر بیرون ملک سے آنے والا مسافر گرفتار

مزید تفتیش کے لیے ملزم کو اینتی ہیومن ٹریفکنگ سرکل کراچی منتقل کردیا گیا:فوٹو:ٖ:فائل

---

جعلی دستاویزات پر بیرون ملک سے آنے والے مسافر کو گرفتار کرلیا گیا۔

ایف آئی اے امیگریشن کی کارروائی میں گرفتار ملزم کی شناخت کاشف علی کے نام سے ہوئی۔ ملزم کے پاسپورٹ پر عراق کا جعلی ویزا لگا ہوا تھا۔ ملزم کاشف علی نے 250 ڈالر کے عوض مذکورہ جعلی ویزا حاصل کیا تھا۔ جعلی دستاویزات پر سفر کرنے پر ملزم کو گرفتار کرلیا۔

ایف آئی اے ترجمان کے مطابق ملزم کاشف علی کا تعلق کراچی سے ہے۔ گرفتار ملزم کو مزید تفتیش کے لیے اینٹی ہیومن ٹریفکنگ سرکل کراچی منتقل کردیا گیا ہے۔