برطانیہ نمازیوں سمیت مسجد جلانے کی پوسٹ پر ملزم کو قید کی سزا

اس سے قبل ایک خاتون کو بھی مسجد جلانے کی پوسٹ پر 15 ماہ کی قید سنائی گئی تھی

ویب ڈیسک October 11, 2024

اس سے قبل ایک خاتون کو بھی مسجد جلانے کی پوسٹ پر 15 ماہ کی قید سنائی گئی تھی

برطانیہ میں مسجد جلانے کی دھمکی آمیز پوسٹ پر 43 سالہ شخص کو مذہبی منافرت پھیلانے کی دفعات کے تحت 2 سال قید کی سزا سنادی گئی۔

برطانوی میڈیا کے مطابق جیرائنٹ بوائس نے یہ پوسٹ 3 کم عمر لڑکیوں کے قتل کا الزام مسلمانوں پر عائد کرنے کے جھوٹے پروپیگنڈے کے دوران کی تھی حالانکہ لڑکیوں کا قاتل ایک غیرمسلم نکلا تھا۔

اس پروپیگنڈے کے نتیجے میں برطانیہ میں مسلمانوں پر حملے بڑھے تھے اور سوشل میڈیا پر ایک طوفان بدتمیزی مچایا گیا تھا۔ جس میں مسلمانوں کو دہشت گرد قرار دیا جا رہا تھا۔

اس پروپیگنڈے اور دھمکی آمیز رویے سے لندن کے مسلم میئر صادق خان بھی محفوظ نہیں رہے تھے جنھوں نے اس تشویش کا اظہار کیا تھا کہ مجھے اپنی بیٹیوں کے تحفظ کی فکر ہوگئی ہے۔

مذکورہ شخص نے بھی اس پروپیگنڈے میں آکر سوشل میڈیا پر مساجد کو نمازیوں سمیت جلانےکی پوسٹ کی تھی اور لوگوں کو اس پر اکسایا بھی تھا۔

یاد رہے کہ اس سے قبل برطانوی عدالت مسجد سے متعلق نفرت آمیز سوشل میڈیا پوسٹ پر 53 سالہ خاتون جولی سیوینی کو 15 مہینے قید کی سزا سنا چکی ہے۔