شرمیلا فاروقی کا والد کی تیسری برسی پر خراج عقیدت

پاکستان پیپلز پارٹی کی رہنما اور رکن قومی اسمبلی شرمیلا فاروقی نے اپنے والد محمد عثمان فاروقی کی تیسری برسی پر انہیں خراج عقیدت پیش کرتے ہوئے سوشل میڈیا اکاؤنٹس پر ان کی یاد میں پوسٹس شیئر کی ہیں۔

شرمیلا فاروقی نے سماجی رابطے کی ویب سائٹس پر والد کے ساتھ گزارے گئے یادگار لمحات شیئر کرتے ہوئے انہیں دنیا سے گئے تین سال کا عرصہ بیت جانے پر دکھ کا اظہار کیا۔

شرمیلا فاروقی نے انسٹاگرام پر ایک پوسٹ شیئر کی ہے جس میں شرمیلا فاروقی عروسی جوڑے میں ملبوس گھوڑی پر سوار ہیں اور اس لمحے انہوں نے اپنے مرحوم والد کا ہاتھ بھی تھام رکھا تھا۔

 

View this post on Instagram

A post shared by Dr. Sharmila Saheba Faruqui (PhD) s.i (@sharmilafaruqui)

یہ پوسٹ شیئر کرتے ہوئے شرمیلا نے کیپشن میں لکھا کہ، ''میرے والد نے ہمیشہ میرا ہاتھ تھامے رکھا، آپ کے بغیر 3 سال گزارنا ایک مشکل چیلنج رہا ہے''۔

انہوں نے اپنے والد کی انتقال کی تاریخ واضح کرتے ہوئے مزید لکھا کہ ''اب تو عادت ہے مجھ کو ایسے جینے کی جب تک دوبارہ ملاقات نہ ہو... 12-10-2021''۔

دوسری جانب شرمیلا فاروقی نے ساجی رابطے کی سائٹ ایکس (ٹویٹر) پر بھی ایک تصویر پوسٹ کی ہے، جس میں دو چوٹیاں باندھے شرمیلا باغ میں اپنے والد کے ساتھ کھڑی ہیں۔



تصویر کے کیپشن میں انھوں نے لکھا کہ ''آج میرے پاپا کی تیسری برسی ہے، وہ کل بھی ہمارے ساتھ تھے اور ہمیشہ ہمارے ساتھ رہیں گے''۔