کراچی ڈیفینس میں لائن لیک ہونے سے تیل سڑکوں پر بہہ گیا علاقہ سیل
حفاظتی طور پر فائر ٹینڈرز اور پولیس کی نفری تعینات
ڈیفنس میں نیشنل ریفائنری کی آئل لائن لیک ہونے کی وجہ سے تیل ملحقہ سڑکوں اور گلیوں میں بہہ گیا۔
واقعہ کی اطلاع ملتے ہی درخشاں پولیس نے موقع پر پہنچ کر مذکورہ مقام کو رکاوٹیں لگا کر بند کر دیا جبکہ متعلقہ حکام کو بھی اس حوالے سے آگاہ کر دیا گیا، علاقے کو سیل کر کے پولیس کی اضافی نفری تعینات کر دی گئی۔
ایس ایچ او درخشاں عرفان آصف نے بتایا کہ ڈیفنس خیابان سحر اسٹریٹ 25 کے قریب نیشنل آئل ریفائنری کے سینٹرل پوائنٹ سے لیکیج ہوئی تھی، آئل لائن کو بند کر دیا گیا ہے۔
نیشنل آئل ریفائنری کی ٹیکنیکل ٹیم صبح جائے وقوعہ کا دورہ کرے گی جبکہ حفاظتی طور پر فائر ٹینڈرز اور عملے کو بھی تعینات کر دیا گیا ہے۔